នៅថ្ងៃទី២២ ខែមេសា ឆ្នាំ២០២៤នេះ លោក ឃុន លីនណេ អភិបាលរងខេត្តសៀមរាប តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលខេត្ត បានទទួលជួពជាមួយប្រតិភូក្រុមហ៊ុនចំនួន៣ មកពីសាធារណរដ្ឋប្រជាមានិតចិន និងប្រទេសម៉ាលេស៊ី ដើម្បីពិភាក្សា និងធ្វើបទបង្ហាញអំពីការអភិវឌ្ឍន៍កាកសំណល់ទៅជាថាមពល និងដើម្បីស្វែងរកឱកាសដឹកនាំអ្នកវិនិយោគផ្សេងៗទៀត មកខេត្តសៀមរាបផងដែរ។
តំណាងក្រុមទាំង៣ បានបញ្ជាក់ថា ក្រុមហ៊ុន Toyo Ventures Holdings Berhad បានដំណើរការតាមរយៈ ៣ផ្នែក គឺការផលិត ការជួញដូរ និងការកាន់កាប់ការវិនិយោគ និងថាមពល។ ផ្នែកនៃ ការជួញដូរ និងការវិនិយោគរបស់វា រួមមានការកាន់កាប់ការវិនិយោគនៅក្នុងក្រុមហ៊ុនបុត្រសម្ព័ន្ធ និងការវិនិយោ គលើអចលនទ្រព្យ ការផ្គត់ផ្គង់ ការចែកចាយ និងការដោះស្រាយទឹកថ្នាំបោះពុម្ព សារធាតុពណ៌ សារធាតុពណ៌ សម្រាប់សម្ភារៈបោះពុម្ពផ្លាស្ទិក និងផ្សេងទៀត ឧបករណ៍ម៉ាស៊ីនឆក់អគ្គិសនី សម្ភារៈក្រាហ្វិច និងសមាសធាតុ លោហៈទម្រង់ 3D ។ ផ្នែកថាមពលរបស់ខ្លួនរួមមានការវិនិយោគ និងការអភិវឌ្ឍន៍គម្រោងរោងចក្រថាមពល កំដៅនៅប្រទេសវៀតណាម។ ដោយឡែកក្រុមហ៊ុន Energy China គឺជាក្រុមហ៊ុនថាមពលគ្រប់គ្រងដោយរដ្ឋាភិបាលចិន ជាក្រុមហ៊ុនចម្រុះដែលផ្តល់នូវដំណោះ ស្រាយរួមនៅក្នុងផ្នែកថាមពល និងហេដ្ឋារចនាសម្ព័ន្ធ។ ក្រុមហ៊ុនផ្តល់ជូននូវសេវាកម្មរបស់ខ្លួនតាមរយៈអាជីវកម្មផ្សេងៗ រួមទាំងគម្រោងហេដ្ឋារចនាសម្ព័ន្ធ វិស្វកម្ម ប្រតិបត្តិការថែទាំ និងប្រតិបត្តិការវិនិយោគ អាជីវកម្មផលិ តឧបករណ៍ និងផ្សេងៗទៀត។
មានប្រសាសន៍ក្នុងឱកាសនោះ លោក យុន លីនណេ បានបង្ហាញការស្វាគមន៍យ៉ាងកក់ក្តៅ និងអរគុណដល់គណៈប្រតិភូក្រុមហ៊ុនទាំង៣ ដែលបានធ្វើបទបង្ហាញ់នូវការងារដ៏ពិសេសដល់អាជ្ញាធរខេត្តសៀមរាបនាពេលនេះ។ លោកអភិបាលរងខេត្ត ក៏បានបង្ហាញនូវការចាប់អារម្មណ៍ និងមានបំណងសិក្សាគម្រោងសាងសង់រោងចក្រអភិវឌ្ឍន៍កាកសំណល់ទៅជាថាមពលសម្រាប់ខេត្តសៀមរាប នាពេលអនាគត៕
ព័ត៌មានជាតិ ថ្មីៗ
អត្ថបទ និងរូបភាព៖ លោក ស៊ាន សុផាត
កែសម្រួល៖ លោក អ៊ុន ណារាជ្យ
