គម្រោងសាងសង់ផ្លូវបេតុងអាមេ ១ខ្សែ ស្ថិតក្នុងភូមិត្រពាំងរុន ឃុំអំពិល ស្រុកប្រាសាទបាគង ខេត្តសៀមរាប ត្រូវបានប្រកាសបិទបញ្ចប់ការដេញថ្លៃដោយជោគជ័យ នៅព្រឹកថ្ងៃទី២៤ ខែមេសា ឆ្នាំ២០២៤នេះ ដោយមានការចូលរួមពីអ្នកពាក់ព័ន្ធជាច្រើនរូប។
លោក ព្រៀន ប្រប ប្រធានគណៈកម្មការលទ្ធកម្មឃុំអំពិល បានឲ្យដឹងថា សម្រាប់គម្រោងមូលនិធិឃុំឆ្នាំ២០២៤នេះ ឃុំអំពិល បានដាក់ដេញថ្លៃសាងសង់ផ្លូវបេតុងអាមេ ប្រវែង១៧៨ម៉ែត្រ ទទឹង៥ម៉ែត្រ កម្រាស់០,១៥ម៉ែត្រ និង ស្លាកសញ្ញាគម្រោង១ និងលូការពារផ្លូវ១កំប្លេ ក្នុងតម្លៃប៉ាន់ស្មាន ១០៨.២៦៩.៥០០រៀល ដោយមានក្រុមហ៊ុនម៉ៅការដាក់សំណើរចំនួន ៩ក្រុមហ៊ុន។ ជាលទ្ធផលបានទៅលើក្រុមហ៊ុន ស៊ន សុីណាខនស្រ្តាក់សិន ដេញបានក្នុងតម្លៃ ៥៤.២៩០.០០០រៀល។
ព័ត៌មានជាតិ ថ្មីៗ
ក្រោយការដេញថ្លៃ ក្រុមហ៊ុន ស៊ន សុីណាខនស្រ្តាក់សិន ដែលទទួលបានការម៉ៅការចំពោះគម្រោងសាងសង់ផ្លូវខាងលើ បានធ្វើការប្ដេជ្ញាចិត្តដោយសន្យាថា នឹងធ្វើឲ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដូចមានចែងនៅក្នុងកិច្ចសន្យា៕
អត្ថបទ និងរូបភាព៖ លោក ធន់ ធូថេ
កែសម្រួល៖ លោក អ៊ុន ណារាជ្យ
