នៅរសៀលថ្ងៃទី២៥ ខែមេសា ឆ្នាំ២០២៤នេះ ក្រសួងមហាផ្ទៃ បានបើកកិច្ចប្រជុំសវនកម្មផ្ទៃក្នុង ផ្នែករដ្ឋបាលស៊ីវិល សន្ដិសុខ ពន្ធធនាគារសម្រាប់ការិយបរិច្ឆេទ ២០២
៣ និងបណ្ដាឆ្នាំពាក់ព័ន្ធ ខេត្ដសៀមរាប ដឹកនាំដោយឯកឧត្ដម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ និងលោកស្រី ម៉ននី រង្សី អភិបាលរងខេត្ដ ដោយមានការចូលរួមពីរដ្ឋបាលស្រុកក្រុងទាំង១២ និងរដ្ឋបាលឃុំសង្កាត់ និងអ្នកពាក់ព័ន្ធមួយចំនួនទៀត។
លោកស្រី ម៉ននី រង្សី បានបង្ហាញថា ជារៀងរាល់ឆ្នាំការងារសវកម្មផ្ទៃក្នុង ត្រូវបានធ្វើឡើងជាចាំបាច់ក្នុងគោលដៅធ្វើការពង្រឹង និងតម្រង់ដល់មន្ត្រីរាជការស៊ីវិលលើការអនុវត្តការងារដែលមានភារកិច្ចស្នូលរបស់ខ្លួនឲ្យកាន់តែមានប្រសិទ្ធភាពខ្ពស់។ ក្នុងន័យនេះដែរ លោកស្រីបានស្នើរឱ្យគ្រប់ទីចាត់ការអង្គភាព និងការិយាល័យ ចំណុះឲ្យរដ្ឋបាលសាលាខេត្តទាំងអស់ ត្រូវយកចិត្តទុក្ខដាក់តាមការណែនាំរបស់ក្រុមការងារសវនកម្មផ្ទៃក្នុង រួមមាន៖ ផ្នែកស៊ីវិល សន្ដិសុខសាធារណៈ និងផ្នែកពន្ធធនាគារ ផ្នែកពាក់ព័ន្ធទាំងនោះ ត្រៀមឯកសារឱ្យបានគ្រប់គ្រាន់សម្រាប់រដ្ឋបាលខេត្ដ ក្នុងការសហការ និងពិនិត្យជាមួយសវកម្មផ្ទៃក្នុងរបស់ក្រសួងមហាផ្ទៃ។
ព័ត៌មានជាតិ ថ្មីៗ
ឯកឧត្តម ឧត្តមសេនីយ៍ឯក ងួន ស្រេង មានប្រសាសន៍ថា ការយកចិត្តទុកដាក់ខ្ពស់ក្នុងការជំរុញ និងបង្កើនល្បឿនកំណែទម្រង់អភិបាលកិច្ច តាមរយៈការកែទម្រង់ស៊ីជម្រៅលើផ្នែករដ្ឋបាលសាធារណៈ ការកែទម្រង់កងកម្លាំងនគរបាលជាតិ ការកែទម្រង់ហិរញ្ញវត្ថុសាធារណៈ និងការកែទម្រង់ការអភិវឌ្ឍតាមបែបប្រជាធិបតេយ្យនៅថ្នាក់ជាតិ និងថ្នាក់ក្រោមជាតិ របស់រដ្ឋមន្ត្រីក្រសួងមហាផ្ទៃ បានចេញលិខិតបង្គាប់ការរបស់ក្រសួងមហាផ្ទៃ បានចាត់តាំងក្រុមគណៈប្រតិភូសវនកម្មផ្ទៃក្នុង ផ្នែករដ្ឋបាលស៊ីវិល ផ្នែកសន្តិសុខសាធារណៈ និងផ្នែកពន្ធនាគារ ចុះបំពេញបេសកកម្មធ្វើការងារសវនកម្មនៅតាមបណ្តារាជធានីខេត្ត សម្រាប់ការិយបរិច្ឆេទ២០២៣ និងបណ្តាឆ្នាំពាក់ព័ន្ធ ដោយផ្តោតការត្រួតពិនិត្យលើការគ្រប់គ្រងហិរញ្ញវត្ថុសាធារណៈ ការគ្រប់គ្រងទ្រព្យសម្បត្តិរដ្ឋ និងការគ្រប់គ្រងបុគ្គលិក។
ឯកឧត្តមអគ្គនាយក បានបញ្ជាក់ថា តួនាទីភារកិច្ចរបស់សវនកម្មផ្ទៃក្នុង គឺការត្រួតពិនិត្យលើប្រតិបតិ្តការប្រព័ន្ធគ្រប់គ្រងផ្ទៃក្នុងរបស់អង្គភាពនីមួយៗ ដើម្បីធានាឱ្យបាននូវប្រសិទ្ធភាព គណនេយ្យភាព និងភាពសន្សំសំចៃ ព្រមទាំងការចូលរួមទប់ស្កាត់ការខ្ជះខ្ជាយក្នុងការប្រើប្រាស់ធនធានរបស់រដ្ឋ។ ហើយការចុះធ្វើសវនកម្មផ្ទៃក្នុង គឺដើម្បីជួយជំរុញដល់ថ្នាក់ដឹកនាំសវនដ្ឋាន លើការបំពេញការងារប្រកបដោយប្រសិទ្ធភាព និងភាពទទួលខុសត្រូវខ្ពស់របស់ខ្លួន។ ជាពិសេសអនុសាសន៍កែលម្អទាំងអស់ដែលផ្តល់ដោយសវនករ បានក្លាយជាមូលដ្ឋានក្នុងការវិភាគ វាយតម្លៃហានិភ័យ និងកែលម្អចំណុះខ្វះខាតនានា របស់សវនដ្ឋានឱ្យស្របតាមបទដ្ឋានគតិយុត្តជាធរមាន។
ឯកឧត្តមក៏បានស្នើរដល់ផ្នែករដ្ឋបាលស៊ីវិល ផ្នែកសន្តិសុខសាធារណៈ និងផ្នែកពន្ធនាគារ ត្រូវទទួលតួនាទីភារកិច្ចរបស់ខ្លួន ក្នុងការចូលរួមទប់ស្កាត់នូវបទល្មើសល្បែងស៊ីសង បទល្មើសគ្រឿងញៀន។ ការតម្លើងតួនាទីរបស់កងកម្លាំងរបស់ខ្លួនត្រូមានតម្លាភាព និងម៉ត់ចត់បំផុស ជាពិសេសការលើកទឹកចិត្ដដក់អ្នកបំពេញការងារបានល្អ៕
អត្ថបទ និងរូបភាព៖ លោក បូ សាវី
កែសម្រួល៖ លោក អ៊ុន ណារាជ្យ
