ក្នុងពិធីប្រគល់វិញ្ញាបនបត្របញ្ជាក់ការសិក្សាភាសារចិនជូនសិស្សានុសិស្សចំនួន ១៥០នាក់ នៅសាលាភាសាជីងហ៊ួ ក្រុងសៀមរាប នៅថ្ងៃទី២៦ ខែមេសា ឆ្នាំ២០២៤នេះ លោកស្រី សូ ចិន្ដា មន្ដ្រីទទួលបន្ទុកអប់រំកុមារ នៃការិយាល័យអប់រំ យុវជន និងកីឡាក្រុងសៀមរាប មានប្រសាសន៍ថា បច្ចុប្បន្នវិស័យអប់រំទាំងរដ្ឋ និងឯកជនមានតួនាទីយ៉ាងសំខាន់ ក្នុងការបណ្តុះបណ្តាលធនធានមនុស្សឲ្យមានសមត្ថភាពក្នុងការអភិវឌ្ឍប្រទេសជាតិ។
លោកស្រីបានបញ្ជាក់ថា ដើម្បីឱ្យកុមារបានទទួលបានការបណ្តុះបណ្តាលគ្រប់ៗគ្នា រាជរដ្ឋាភិបាលបានខិតខំធ្វើការ និងផ្ដល់ឱ្យវិស័យឯកជនបណ្ដុះបណ្ដាលជំនាញដល់សិស្សានុសិស្សនៅតាមសាលាជន ដើម្បីទទួលបានចំណេះដឹងបន្ថែមទៀតពីសាលារៀនរដ្ឋ។ លោកស្រីបានជំរុញដល់សិស្សានុសិស្សត្រូវបន្ដខិតខំយកចិត្ដទុកដាក់ សិក្សារៀនសូត្របន្ថែមទៀត ដើម្បីយកចំណេះដឹងចូលរួមបំរើសង្គមជាតិអោយកាន់តែមានភាពរីកចំរើន។
លោក ថាប់ សេងហុក ស្ថាបនិកសាលាចិនជីងហ៊ួរ បានឲ្យដឹងថា ការប្រគល់វិញ្ញាបនបត្របញ្ជាក់ការសិក្សា និងប័ណ្ឌសរសើរនាពេលនេះ គឺដើម្បីលើកទឹកចិត្ដដល់ពួកគាត់អោយខិតខំក្រេបយកចំណេះដឹងបន្ថែម ក្រៅពីភាសាជាតិរបស់ខ្លួន។ ហើយក៏សូមអំពាវដល់អាណាព្យាបាល មានជំនឿចិត្ដលើសាលាឯកជន ព្រោះវិស័យអប់រំឯកជនមានជំនាញចំណេះសម្រាប់បណ្ដុះបណ្ដាល់ដល់ប្រជាពលរដ្ឋគ្រប់គ្រាន់ ដើម្បីបង្កើតអាជីពនាពេលអនាគត។ លោកបន្ដថាសាលាភាសាចិនជីងហ៊ួរ មិនត្រឹមតែបង្រៀនសិស្សឱ្យមានចំណេះលើភាសាចិន ភាសាអង់គ្លេស កុំព្យូទ័រ និងតៃក្វាន់ដូរប៉ុណ្ណោះទេ ថែមទាំងបានចូលរួមជាមួយសង្គមក្នុងការផ្ដល់អាហាររូបករណ៍ដល់សិស្សានុសិស្ស និស្សិតជិត១០០នាក់ ដែលខ្វះខាតនិងគ្មានលទ្ធភាពបង់ថ្លៃសិក្សាជារៀងរាល់ឆ្នាំផរដែរ៕
ព័ត៌មានជាតិ ថ្មីៗ
អត្ថបទ និងរូបភាព៖ លោក បូ សាវី
កែសម្រួល៖ លោក អ៊ុន ណារាជ្យ
