គម្រោងដេញថ្លៃជុសជុលផ្លូវដីសក្រាលគ្រួសក្រហម ១ខ្សែ ក្នុងឃុំរោងគោ ស្រុកក្រឡាញ់ ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅព្រឹកថ្ងៃទី២៦ ខែមេសា ឆ្នាំ២០២៤នេះ ដោយមានការចូលរួមពីអ្នកពាក់ព័ន្ធជាច្រើនរូប។
លោក ឡាំ ពុត ប្រធានគណៈកម្មការលទ្ធកម្មឃុំរោងគោបានឲ្យដឹងថា សម្រាប់គម្រោងមូលនិធិឃុំឆ្នាំ២០២៤នេះ ឃុំរោងគោ បានដាក់ដេញថ្លៃគម្រោងជុសជុលផ្លូវដីសក្រាលគ្រួសក្រហម១ខ្សែ ភ្ជាប់ពីក្នុងភូមិគាប ទៅភូមិល្បើកប្រិយ៍ មានប្រវែង១.៣៥០ម៉ែត្រ ទទឹងក្រួស៥ម៉ែត្រ កម្រាស់ក្រួស០,១៥ម៉ែត្រ និងស្លាកសញ្ញាគម្រោងចំនួន១ ក្នុងតម្លៃប៉ាន់ស្មាន ១០៨.៦៣១.៩៥០រៀល ដោយមានក្រុមហ៊ុនម៉ៅការដាក់សំណើរចំនួន ៩ក្រុមហ៊ុន។ ជាលទ្ធផលបានទៅលើក្រុមហ៊ុន ឯក គន្ធា ក្នុងតម្លៃ ៤១.១៧៥.០០០រៀល។
ព័ត៌មានជាតិ ថ្មីៗ
ជាមួយនោះក្រោយការដេញថ្លៃ ក្រុមហ៊ុន ឯក គន្ធា ដែលទទួលបានការម៉ៅការចំពោះគម្រោងសាងសង់ផ្លូវខាងលើ បានធ្វើការប្ដេជ្ញាចិត្តដោយសន្យាថា នឹងធ្វើឲ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដូចមានចែងនៅក្នុងកិច្ចសន្យា៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
