ការដាក់ដេញថ្លៃគម្រោងបេតុងអាមេ១ខ្សែ ក្នុងសង្កាត់នគរធំ ក្រុងសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី៣ ខែមិថុនា ឆ្នាំ២០២៤នេះ ដោយមានការចូលរួមពីមន្ត្រីបច្ចេកទេសខេត្ត គណៈកម្មការសង្កាត់ អ្នកម៉ៅការ រួមជាមួយនឹងអ្នកពាក់ព័ន្ធផ្សេងទៀត។
លោក ជា សារិន ប្រធានគណៈកម្មការលទ្ធសង្កាត់នគរធំ ក្រុងសៀមរាប បានឲ្យដឹងថា ចំពោះគម្រោងមូលនិធិសង្កាត់ឆ្នាំ២០២៤នេះ ឃុំនគរធំ បានដាក់ដេញថ្លៃគម្រោងសាងសង់ផ្លូវបេតុងអាមេ១ខ្សែ ប្រវែង៣៣៨ម៉ែត្រ ទទឹង៧ម៉ែត្រ កម្រាស់បេតុង0.២០ម៉ែត្រ ដែក១០លី មានក្រួសក្រធម្មជាតិស្មារផ្លូវទាំងសងខាង0.៦០ម៉ែត្រ លូកាត់ផ្លូវចំនួន២កន្លែង ស្លាកសញ្ញាចរាចរ១ លូមុខ0.៨០ម៉ែត្រ ចំនួន២កង់ សម្រាប់ដាក់ការពារឡានធំ និងស្លាកគម្រោងចំនួន១ ក្នុងតម្លៃប៉ាន់ស្មាន ៣៧០.១២៨.០១៥រៀល ដោយមានក្រុមហ៊ុនដាក់សំណើរចំនួន ៤ក្រុមហ៊ុន។ ជាលទ្ធផលបានទៅលើក្រុមហ៊ុន សករាជ ក្នុងតម្លៃ ៣៦៩.០០០.០០០រៀល។
ជាមួយនឹងការទទួលបានសិទ្ធនៃការសាងសង់នេះ តំណាងក្រុមហ៊ុនម៉ៅការ បានធ្វើការប្ដេជ្ញាចិត្ត ដោយសន្យាសាងសង់ឲ្យត្រឹមត្រូវ ទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដែលចែងនៅក្នុងកិច្ចសន្យា៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
