នៅរសៀលថ្ងៃទី១៩ ខែមិថុនា ឆ្នាំ២០២៤ លោក ពិន ប្រាកដ អភិបាលរងខេត្ត និងជាអនុប្រធានគណៈកម្មាធិការត្រួតពិនិត្យគ្រឿងញៀនខេត្តសៀមរាប និងលោក សំកុល សុចិត្រា អភិបាលរងខេត្ត បានដឹកនាំបើកកិច្ចប្រជុំពិភាក្សាស្តីពីការត្រៀមរៀបចំពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន “២៦ មិថុនា ២០២៤” ដោយមានការចូលរួមពីលោកលោកស្រីតំណាងមន្ទីរអង្គភាព និងមន្ត្រីជំនាញពាក់ព័ន្ធមួយចំនួនទៀត។
លោក ពិន ប្រាកដ មានប្រសាសន៍ថា គណៈកម្មាធិការត្រួតពិនិត្យគ្រឿងញៀនខេត្តសៀមរាប បានសម្រេចកំណត់យកថ្ងៃទី៣០ ខែមិថុនា ឆ្នាំ២០២៤ខាងមុខ ដើម្បីរៀបចំពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន “២៦ មិថុនា ២០២៤” ក្រោមប្រធានបទ “រួមគ្នាវិនិយោគ លើការបង្ការ ទប់ស្កាត់ និង លើកកម្ពស់ការអប់រំ ដើម្បីសហគមន៍គ្មានគ្រឿងញៀន” ។
ព័ត៌មានជាតិ ថ្មីៗ
លោក ពិន ប្រាកដ បញ្ជាក់ថា ក្នុងថ្ងៃប្រារព្ធទិវាអន្តរជាតិប្រយុទ្ធប្រឆាំងគ្រឿងញៀននេះដែរ រដ្ឋបាលខេត្តនឹងរៀបចំកម្មវិធីសំខាន់ចំនួន៣ រួមមាន៖ នៅពេលព្រឹកថ្ងៃទី៣០ ការប្រារព្ធពិធីមិទ្ទិញ និងដុតបំផ្លាញបំផ្លាញគ្រឿងញៀន, ពេលរសៀលប្រកួតបាល់ទាត់មិត្តភាពរវាងរដ្ឋបាលខេត្តជាមួយក្រុមផ្ការីកគ្រប់រដូវនៅកីឡាដ្ឋាន SRU និងពេលល្ងាចមានកម្មវិធីកម្សាន្តនៅសួនព្រះរាជដំណាក់ក្រុងសៀមរាប ដោយមានការសម្ដែងរបាំបុរាណ របាំអប្សារាសហសម័យ ចាបីុដងវែង ក្បាច់រាំ ព្រមទាំងការបញ្ជ្រាបសារអបរំអំពីផល់ប៉ះពាល់នៃការប្រើប្រាស់គ្រឿងញៀន និងនែនាំអំពីការទាញយកកម្មវិធីទូរស័ព្ទដៃ App Nodrug ផងដែល។
សូមជម្រាបថា រាជរដ្ឋាភិបាលអាណត្តិទី៧ បានដាក់ចេញនូវវិធានការដ៏ម៉ឺងម៉ាត់តាមរយៈបទបញ្ជាដាច់ខាត គ្រប់ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវបង្កើនការត្រួតពិនិត្យជាប្រចាំចំពោះមន្ត្រីរាជការស៊ីវិល មន្ត្រីនគរបាលជាតិ និងយោធិន ព្រមទាំងមន្ត្រីជាប់កិច្ចសន្យាដែលស្ថិតក្រោមឱវាទរបស់ខ្លួនលើការប្រើប្រាស់គ្រឿងញៀនខុសច្បាប់ ឬមានការពាក់ព័ន្ធនឹងគ្រឿងញៀនខុសច្បាប់ ដោយត្រូវចាត់វិធានការបញ្ចប់មុខតំណែង និងបណ្តេញចេញពីក្របខ័ណ្ឌដោយគ្មានការលើកលែង៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
