នាព្រឹកថ្ងៃទី០៣ ខែកក្កដា ឆ្នាំ២០២៤នេះ គណៈកម្មាធិការពិគ្រោះយោបល់កិច្ចការស្ត្រី និងកុមារខេត្តសៀមរាប បានបើកកិច្ចប្រជុំប្រចាំឆមាសទី១ ស្តីពីវឌ្ឍនភាពនៃការអនុវត្តគម្រោង កិច្ចការងារកុមារខេត្ត ដើមី្បធ្វើការត្រួតពិនិត្យលើវឌ្ឍនភាព នៃការអនុវត្តគម្រោងកិច្ចការងារកុមារ ព្រមទាំងលើកនូវបញ្ហាប្រឈមមកធ្វើការពិនិត្យ និងដោះស្រាយ។
លោកជំទាវ ស៊ិន ណម ប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្ត និងជាប្រធានកិត្តិយសក្រុមការងារគម្រោងកិច្ចការពារកុមារខេត្តសៀមរាប មានប្រសាសន៍ថា ដើម្បីពង្រឹងប្រព័ន្ធកិច្ចការពារកុមារ ការសម្របសម្រួលរវាងអ្នកពាក់ព័ន្ធ និងអ្នកមានកាតព្វកិច្ច ពិតណាស់យើងត្រូវពង្រីកបន្ថែមទៅលើផែនការកិច្ចការពារកុមារខេត្ត ដោយផ្តោតទៅលើផែនការប្រតិបត្តិខេត្ត ស្តីពីការពង្រឹងការថែទាំកុមារ និងផែនការប្រតិបត្តិខេត្ត ស្តីពីការពង្រឹងការថែទាំកុមារបានផ្តោតលើការយកចិត្តទុកដាក់លើការពង្រឹងសមត្ថភាពរដ្ឋបាលថ្នាក់ក្រោមជាតិ តាមរយៈការផ្សព្វផ្សាយការយកកុមារចេញពីមណ្ឌល និងជម្រើសថែទាំផ្សេងទៀតជំនួសការថែទាំកុមារនៅក្នុងមណ្ឌល ក្នុងគោលបំណងសមាហរណកម្មកុមារចំនួន ៣០ភាគរយ ។
លោកជំទាវបញ្ជាក់ថា ផែនការនេះមានរយៈពេល ៣ឆ្នាំ ដោយគិតចាប់ពីខែមករា ឆ្នាំ២០២៣ រហូតដល់ខែធ្នូ ឆ្នាំ២០២៥ ដែលស្របជាមួយនឹងផែនការយុទ្ធសាស្ត្រវិស័យកិច្ចការពារកុមារជាតិ ដែលកំពុងស្ថិតនៅក្នុងដំណើរការអនុម័តដោយ ក្រសួងមហាផ្ទៃ និងក្រសួងសង្គមកិច្ច អតីតយុវជន និងយុវនីតិសម្បទា និងត្រូវបានផ្សព្វផ្សាយដាក់ឱ្យប្រើប្រាស់ខាងមុខនេះ។ តាមសេចក្តីរាយការណ៍របស់មន្ទីរសង្គមកិច្ច អតីតយុទ្ធជន និង និតិសម្បទាខេត្ត ដោយលើនូវបញ្ហាប្រឈមមួយចំនួន ចំពោះកុមាររស់នៅជាមួយម្តាយក្នុងពន្ធនាគារ និងការធ្វើសំបុត្រកំណើតចំពោះទារក ដែលគេបោះបង់ចោល និងកង្វះថវិកាក្នុងការថែទាំកុមារពិការភាព និង គ្រួសាររងគ្រោះ និងងាយរងគ្រោះនៅក្នុងសហគមន៍។
ព័ត៌មានជាតិ ថ្មីៗ
លោក ចឹក គឹមជុន លោក ចឹក គឹមជុន នាយករងរដ្ឋបាលសាលាខេត្ត និងជាអនុប្រធានក្រុមការងារគម្រោងកិច្ចការពារកុមារខេត្ត ក៏បានលើកពីការផ្តល់សេវា និងការគ្រប់គ្រងករណី លើការគាំទ្រកុមារដែលបានបែកពីគ្រួសាររបស់ពួកគេ រួមទាំងកុមារ ដែលកំពុងរស់នៅក្នុងមណ្ឌលថែទាំ ធ្វើសមាហរណកម្មទៅក្នុងការថែទាំតាមគ្រួសារបន្ទាប់ពីការប៉ាន់ប្រមាណ យ៉ាងគ្រប់ជ្រុងជ្រោយ សម្រាប់លទ្ធភាពធ្វើសមាហរណកម្មហើយ។ ការទប់ស្កាត់ និងកសាងសមត្ថភាពសហគមន៍ -លើកកម្ពស់ការយល់ដឹងដល់ឪពុកម្តាយ អ្នកថែទាំអំពីការចិញ្ចឹមកូនតាមបែបវិជ្ជមាន ដើម្បីទប់ស្កាត់អំពើហិង្សា ការបែកបាក់គ្រួសារដោយមិនចាំបាច់អាពាហ៍ ពិពាហ៍កុមារ និងការរក្សាសុវត្ថិភាពកុមារ និង លើកកម្ពស់ការយល់ដឹងអំពីការអប់រំបែបវិជ្ជមាន និងការគ្រប់គ្រងថ្នាក់រៀនប្រកបដោយប្រសិទ្ធភាពនៅ ក្នុងសាលារៀន៕
អត្ថបទ និងរូបភាព៖ លោក ម៉ី សុខារិទ្ធ
កែសម្រួល៖ លោក អ៊ុន ណារាជ្យ
