ការដេញថ្លៃគម្រោងសាងសងផ្លូវបេតុងអាមេមួយខ្សែ ស្ថិតក្នុងឃុំកំពង់ឃ្លាំង ស្រុកសូទ្រនិគម ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី១៨ ខែកក្កដា ឆ្នាំ២០២៤ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ និងអ្នកពាក់ព័ន្ធជាច្រើនរូប។
លោក ប៉ា ប៉ូរ ប្រធានគណៈកម្មការលទ្ធកម្មឃុំកំពង់ឃ្លាំង ស្រុកសូទ្រនិគម បានឲ្យដឹងថា ចំពោះគម្រោងមូលនិធិឃុំឆ្នាំ២០២៤នេះ ឃុំកំពង់ឃ្លាំង បានដាក់ដេញថ្លៃសាសាងសង់ផ្លូវបេតុងអាមេមួយខ្សែ ប្រវែង២៥០ម៉ែត្រ ទទឹង ៥ម៉ែត្រ កម្រាស់បេតុង០.១៥ ម៉ែត្រ និងស្លាក សញ្ញាគម្រោងចំនួន០១ និងស្លាកសញ្ញាចរាចរណ៍៣ ក្នុងតំលៃប៉ាន់ស្មាន ១៥៩.១០៨.៣៩៤រៀល ដោយមានក្រុមហ៊ុនចំនួន៣ បានដាក់សំណើរ។ ជាលទ្ធផលបានទៅលើក្រុមហ៊ុន ហ៊ូរ ឆួយ ក្នុងតម្លៃ ១៥៨.៨០០.០០០រៀល។
ជាមួយនឹងការទទួលបានសិទ្ធនៃការសាងសង់នេះ តំណាងក្រុមហ៊ុនម៉ៅការ បានធ្វើការប្ដេជ្ញាចិត្ត ដោយសន្យាសាងសង់ឲ្យត្រឹមត្រូវ ទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដែលចែងនៅក្នុងកិច្ចសន្យា៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
