កាលថ្ងៃទី១៨ ខែកក្តដា ឆ្នាំ២០២៤នេះ លោកទួន មិថុនា ប្រធានការរិយាល័យអធិកាកិច្ចនៃមន្ទីរអប់រំយុវជន និងកីឡាខេត្តសៀមរាប បានលើកនៅក្នុងកម្មវិធីសន្ទនាមតិថា៖ សព្វថ្ងៃនេះនៅតាមបណ្តាលប្រទេសជុំវិញពិភពលោកដែលកំពុងអភិវឌ្ឍន៍ គឺបានពង្រឹងទៅលើការរៀនតាមបែបឌីជីថល និងបែបវិទ្យាសាស្រ្តទំនើប។ ប្រព័ន្ធអប់រំសិស្សតាមបែបឌីជីថល បានធ្វើបដិវត្តកម្មការសិក្សា អាចចល័តបាន អាចធ្វើអោយសិស្សសិក្សារៀនសូត្របានគ្រប់ទីកន្លែង គ្រប់ពេលវេលាបាន ខណៈដែលការបង្រៀនសិស្សតាមបែបធម្មតា គឺផ្តោតសំខាន់លើពិន្ទុក្នុងការប្រលងប៉ុណ្ណោះ។
លោកបានបន្តថា សម្រាប់ការអប់រំសិស្សតាមបែបឌីជីថលមានអត្ថប្រយោជន៍ដូចជា ៖
ទី១ សិស្សអាចរៀនជាលក្ខណៈបុគ្គល
ទី២ ធ្វើអោយសិស្សឆ្លាតជាងមុន
ទី៣ មានការលើកទឹកចិត្តដល់សិស្ស
ទី៤ ផ្តល់អោយសិស្សនូវចំណេះដឹងទូលំទូលាយ
និង ទី៥ ធ្វើអោយសិស្សកាន់តែមានភាពទទួលខុសត្រូវ
ព័ត៌មានជាតិ ថ្មីៗ
លោកទួន មិថុនា ប្រធានការរិយាល័យអធិកាកិច្ចនៃមន្ទីរអប់រំយុវជន និងកីឡាខេត្តសៀមរាប បានបន្តទៀតថា នៅតាមប្រទេសជឿនលឿន បានផ្ដល់ឱកាសដល់សិស្សបានទូលំទូលាយ នូវការសិក្សាតាមប្រព័ន្ធឌីជីថល អាចធ្វើអោយសិស្សយល់ដឹងពីសង្គមខាងក្រៅ បរិបទនៃការរស់នៅជាដើម ក្នុងឪកាសនោះ លោកបានលើកទឹកចិត្ត ទៅកាន់ចំពោះ មាតាបិតា អាណាព្យាបាលសិស្ស អនុញ្ញាតអោយកូនៗ ប្រើប្រាស់ smart phone សម្រាប់ការសិក្សាតាមប្រព័ន្ធឌីជីថលអោយកាន់តែស៊ីជម្រៅ និងលោកគ្រូអ្នកគ្រូ ត្រូវតែពង្រឹងសមត្ថភាពផ្នែកឌីជីថលរបស់ខ្លួនបន្ថែមទៀត ដើម្បីចែករំលែក និងផ្ដល់ចំណេះដឹងផ្សេងៗជូនទៅកាន់សិស្សានុសិស្សរបស់ខ្លួនស្របតាមបែបប្រព័ន្ធឌីជីថលសម័យទំនើប ៕
អត្ថបទ ៖ ភី រចនា
កែសម្រួល៖ ហាំ ម៉េងហួត
