មានប្រសាសន៍ក្នុងកម្មវិធីសន្ទនាមតិ នាថ្ងៃទី២៣ ខែកក្កដា ឆ្នាំ២០២៤ លោកស្រី ស៊ុម សុភាព អភិបាលរងស្រុកស្វាយលើ ខេត្តសៀមរាប បានលើកឡើងថា ដោយអនុវត្តតាមយុទ្ធនាការណ៍របស់រាជរដ្ឋាភិបាលលើកិច្ចការចុះបញ្ជីអត្រានុកូលដ្ឋានជូនប្រជាពលរដ្ឋ ដែលមានតាំងពីឆ្នាំ2002មក អាជ្ញាធរស្រុក តែងតែធ្វលការចុះអប់រំផ្សព្វផ្សាយ ដល់ប្រជាពលរដ្ឋក្នុងមូលដ្ឋាន ទៅទទួលយកសេវាចុះបញ្ជីអត្រានុកូលដ្ឋាន ដូចជា សំបុត្រកំណើតឬ សំបុត្របញ្ជាក់កំណើត , សំបុត្រអាពាហ៍ពិពាហ៍ និង សំបុត្រមរណៈភាព ដែលនេះ ពិតជាមានសារៈសំខាន់សំខាន់មនុស្សម្នាក់ សម្រាប់ការរស់នៅប្រចាំថ្ងៃ។
លោកស្រីបន្តថា ជាមួយការងារអត្រានុគោលដ្ឋាននេះ អាជ្ញាធរពាក់ព័ន្ធ មានដូចជា អាជ្ញាធរខេត្ត ក្រសួងមហាផ្ទៃ តែងបានផ្សព្វផ្សាយ ដោយផ្ទាល់ ឬ តាមរយៈកិច្ចប្រជុំនានា ទៅដល់មន្រ្តីអនុវត្តលើការផ្ដល់សេវាអត្រានុកូលដ្ឋាននេះផ្ទាល់ ដើម្បីបញ្ជៀបបន្ថែមនូវនីតិវិធីមួយចំនួន ក្នុងករណីមានកែសម្រួល លើវិសោធនកម្មច្បាប់ ដើម្បីឲ្យគាត់បានយល់ដឹងនឹងអនុវត្តតាមគោលការណ៍ច្បាប់ លិខិតបទដ្ឋាននានា ចៀសវាងការកើតមាននូវកំហុសនិងការក្លែងបន្លំផ្សេងៗ ។
ព័ត៌មានជាតិ ថ្មីៗ
លោកស្រី ស៊ុម សុភាព អភិបាលរងស្រុកស្វាយលើ បានមានប្រសាសន៍បន្ថែមថា ចំពោះផែនការបន្តរបស់រដ្ឋបាលស្រុក ស្រុកក៏នៅតែជួយគាំទ្រជំរុញទៅលើអ្នកអនុវត្តជាក់ស្តែង ដែលជាមន្ត្រីអត្រានុកូលដ្ឋានឃុំ ក្នុងន័យពង្រឹងសមត្ថភាព ពីនីតិវិធីបន្ថែម ដើម្បីជៀសវាងកំហុស ក្នុងពេលផ្ដល់សេវាអត្រានុកូលដ្ឋានជូនប្រជាពលរដ្ឋ និងបន្តការផ្សព្វផ្សាយបន្ថែមទៀតតាមរយៈការអនុវត្តកញ្ចប់សេវាសង្គមរបស់ឃុំ និងទប់ស្កាត់ការផ្តល់ទិន្នន័យដែលផ្ទុយពីនីតិវិធី៕
អត្ថបទ៖ លោក ឡេង ពិសិដ្ឋ
កែសម្រួល ៖ លោកស្រី ហែម បូរ៉ាន្នី
