ក្នុងឱកាសចូលរួមក្នុងកម្មវិធីសន្ទនាមតិ នៅថ្ងៃទី២៩ ខែកក្កដា ឆ្នាំ២០២៤នេះ លោកវរសេនីយ៍ទោ ហ៊ឺ គឹមសួ អធិការរងស្រុកក្រឡាញ់ ខេត្តសៀមរាប បានលើកឡើងថា ការចូលរួមរបស់ប្រជាពលរដ្ឋនឹងសមត្ថកិច្ច គឺជាកត្តាមួយដ៏សំខាន់ ក្នុងជួយជំរុញឱ្យមូលដ្ឋានមានសន្តិសុខល្អ សុវត្ថិភាពល្អប្រសើរ ជាក់ស្ដែងក្នុងមូលដ្ឋានស្រុកក្រឡាញ់ បញ្ហាអសន្តិសុខនានា ហាក់មានការធ្លាក់ចុះគួរឱ្យកត់សម្គាល់ ដោយសារតែប្រជាពលរដ្ឋមានការចូលរួមសហការ និងមានការយល់ដឹងច្រើនអំពីគោលនយោបាយភូមិឃុំសង្កាត់មានសុវត្ថិភាព។
លោកវរសេនីយ៍ទោ ក៏បានអំពាវនាវដល់ប្រជាពលរដ្ឋទាំងអស់ សូមចូលរួមជាមួយសមត្ថកិច្ច និងអាជ្ញាធរមូលដ្ឋានឱ្យបានកាន់តែសកម្មបន្ថែមទៀត ជាពិសេសនៅពេលមានករណី និងបទល្មើស ឬមុខសញ្ញាសង្ស័យផ្សេងៗទាក់ទងនឹងបញ្ហាអសន្តិសុខអ្វីមួយ ត្រូវរាយការណ៍ ឬផ្តល់ព័ត៌មានជូនអាជ្ញាធរមានសមត្ថកិច្ចដែលនៅជិតបងប្អូនបំផុត ដើម្បីមានវិធានការបង្ក្រាប ទប់ស្កាត់បានទាន់ពេលវេលា។
អត្ថបទ ៖ ភី រចនា
កែសម្រួល៖ លោក អ៊ុន ណារាជ្យ
