ដើម្បីទទួលបានទិន្នផលខ្ពស់ពីដំណាំរបស់កសិករ គឺវាមានកត្តាសំខាន់ៗជាច្រើនរួមផ្សំគ្នា ដូចជាកត្តាពូជ កត្តាអាកាសធាតុ ការថែទាំ បច្ចេកទេសដាំដុះ ប៉ុន្តែក្នុងនោះ កត្តានៃការជ្រើសរើសជី គឺជាកត្តាមួយដ៏សំខាន់ជាងគេ ក្នុងយកមកប្រើប្រាស់ជំនួយដល់ការដាំដុះកសិផលផ្សេងៗរបស់ប្រជាកសិករ ដើម្បឱ្យទទួលបានទិន្នផលខ្ពស់។
ក្នុងសិក្ខាសាលាកម្មវិធីទិវាស្រែ នៅក្នុងភូមិសំណាក់ខ្ចាស់ ឃុំសំបួរ ស្រុកកក្រឡាញ់ ខេត្តសៀមររាប នាព្រឹកថ្ងៃទី០១ ខែសីហា ឆ្នាំ២០២៤ លោក ធឿន អុីធាន អ្នកជំនាញរបស់ក្រុមហ៊ុន ជីកាម៉ៅ បានបង្ហាញថា ទោះបច្ចុប្បន្នមានការរីកចម្រើនផ្នែកបច្ចេកទេសលើវិស័យកសិកម្មយ៉ាងណាក្ដី ប៉ុន្តែការជ្រើសរើសជីដែលមិនមានគុណភាព និងតាមស្តង់ដារបច្ចេកទេសត្រឹមត្រូវ យើងនឹងមិនអាចទទួលបាននូវទិន្នផលតាមការរំពឹងទុក ពីព្រោះគ្រប់ដំណាំទាំងអស់សុទ្ធតែត្រូវការជី ដើម្បីបំប៉ន ថែទាំ និងបង្កើនភាពធន់របស់វា។ ចំពោះជី NPK កាម៉ៅ គឺមានសមាសធាតុផ្សំសំខាន់ៗជាច្រើន ដែលមានសមត្ថភាពខ្ពស់ក្នុងការបង្កើនសារធាតុចិញ្ចឹម ជំរុញការលូតលាស់ ជួយការពារជំងឺ និងសត្វល្អិតផ្សេងៗ ជួយបង្កើនទិន្នផល និងអាចកែប្រែដីដែលខូចឱ្យបានប្រសើរឡើងវិញ។
ព័ត៌មានជាតិ ថ្មីៗ
អ្នកជំនាញខាងលើបញ្ជាក់ថា ផលិតផលជីរបស់ក្រុហ៊ុន ជីកាម៉ៅ អាចប្រើប្រាស់បានគ្រប់ប្រភេទដំណាំ ទាំងដំណាំយកផ្លែ ស្លឹក ដើម ឬមើមជាដើម ហើយតម្លៃរបស់វាក៏ប្រហាក់ប្រហែលនឹងជីដទៃទៀតដែលដាក់លក់លើទីផ្សារបច្ចុប្បន្នផងដែរ។ ដូច្នេះកសិករយើងអាចសាកប្រើប្រាស់បាន ដោយមិនភ័យរឿងចំណាយច្រើនជាងជីដែលពួកគាត់ប្រើនាពេលកន្លងមកនោះទេ។ ជាក់ស្ដែងប្រជាពលរដ្ឋដែលបានប្រើប្រាស់ ជីកាម៉ៅ កន្លងមកលើកដំណាំផ្សេងៗ ពិសេសដំណាំស្រូវ ពួកគាត់ថាជីនេះមានចំណុចសំខាន់៣៖ ទី១.ងាយស្រួលក្នុងការលាយមិនស្អិតចូលគ្នា ទី២.មានគុណភាពខ្ពស់ ដែលអាចឱ្យយើងមើលឃើញពីភាពរឹងមាំ និងភាពធន់របស់ដំណាំ និងទី៣.មានសមត្ថភាពទប់ស្កាត់ និងកាត់បន្ថយការបំផ្លាញពីសត្វចង្រៃ ពោលពួកគាត់សង្កេតឃើញថាក្រោយពេលប្រើប្រាស់ជីនេះ ហាក់មានមានភាពថមថយនៃវត្តមានពពួកសត្វដែលតែងមកបំផ្លាញដំណាំ។
លោក ហៃ វាសនា អនុប្រធានមន្ទីរកសិកម្មខេត្តសៀមរាប បានបង្ហាញការយល់ស្របចំពោះការលើកឡើងនេះ និងបានលើកទឹកចិត្តដល់ប្រជាកសិករគ្រប់រូប ត្រូវព្យាយាមស្វែងយល់ពីអត្ថប្រយោជន៍របស់ជីឱ្យបានហ្មត់ចត់ និងដោយការយកចិត្តទុកដាក់ខ្ពស់ ព្រោះនៅពេលដែលជ្រើសរើសជីដែលមានគុណភាពខ្ពស់ និងមានការត្រួតពិនិត្យត្រឹមត្រូវតាមស្តង់ដារបច្ចេកទេស នោះប្រជាកសិករមិនខាតបង់ថវិកា និងមិនខកចិត្តចំពោះទិន្នផលដែលទទួលបាននោះឡើយ។
អគ្គនាយិការងក្រុមហ៊ុន ជីកាម៉ៅ លោកស្រី Nguyen Thi Hien បានបញ្ជាក់ថា ជីកាម៉ៅ ជាផលិតផលដែលទទួលស្គាល់ និងអនុញ្ញាតដោយក្រសួងជំនាញ មានច្បាប់ត្រឹមត្រូវទាំងគុណភាព និងបរិមាណ ហើយអ្វីដែលសំខាន់នោះគឺគុណភាពរបស់ជីនេះតែម្ដង ដែលវាឆ្លើយតបយ៉ាងស័ក្ដិសមនឹងតម្រូវរបស់របស់ប្រជាកសិករខ្មែរនាពេលបច្ចុប្បន្ននេះ។ ជាមួយគ្នានោះ បងប្អូនប្រជាកសិករប្រសិនជាចង់សាកល្បង និងចង់ដឹងព័ត៌មានបន្ថែមបងប្អូនអាចទាក់ទងជាមួយក្រុមការងារក្រុមហ៊ុនដែលមាននៅក្នុងមូលដ្ឋានបងប្អូនបាន៕
អត្ថបទ និងរូបភាព៖ លោក ហេង វ៉ាន្នី
កែសម្រួល៖ លោក អ៊ុន ណារាជ្យ
