កាលពីថ្ងៃទី២៧ ខែឧសភា ឆ្នាំ២០១៩ម្សិលមិញនេះ គណៈប្រតិភូបេសកជនធនាគារអភិវឌ្ឍន៍អាស៊ី ដឹកនាំដោយ ឯកឧត្តម ផែង សុវិជ្ជានោ រដ្ឋលេខាធិការក្រសួងសាធារណការនិងដឹកជញ្ជូន និងលោក គឹម ប៉ុណ្ណា ប្រធានមន្ទីរសាធារណការនិងដឹកជញ្ជូនខេត្តសៀមរាប រួមជាមួយនឹងមន្ដ្រីជំនាញបច្ចេកទេសក្រោមឱវាទ បានធ្វើការពិភាក្សាអំពីវឌ្ឍនៈភាពលើគម្រោងអភិវឌ្ឍន៍ និងកែលម្អបណ្តាញកំណាត់ផ្លូវជាតិសំខាន់ៗចំនួន០៣ក្នុងខេត្តសៀមរាប ព្រមទាំងបានចុះទៅមើលនៅទីតាំងជាក់ស្ដែងផងដែរ។
កំណាត់ផ្លូវជាតិសំខាន់ៗចំនួន០៣នោះ រួមមាន ៖ ១. គម្រោងកែលម្អកំណាត់ផ្លូវជាតិលេខ៦ ចាប់ពីរង្វង់មូលរូបសំណាកព្រះបាទជ័យវរ្ម័នទី៧ រហូតដល់ស្រុកក្រឡាញ់ ( ព្រំប្រទល់ខេត្ដបន្ទាយមានជ័យ) , ២. គម្រោងសិក្សាដើម្បីកែលម្អកំណាត់ផ្លូវជាតិលេខ៦ ចាប់ពីរង្វង់មូលរូបសំណាកព្រះបាទជ័យវរ្ម័នទី៧ រហូតដល់ព្រះអង្គចេកព្រះអង្គចម និង៣. គម្រោងសិក្សាដើម្បីអភិវឌ្ឍន៍ផ្លូវវាងក្រុងប៉ែកខាងលើ ។
គួររំលឹកថា គម្រោងកំណាត់ផ្លូវជាតិសំខាន់ៗទាំង០៣នេះ នឹងធ្វើឲ្យខេត្ដសៀមរាប កាន់តែមានភាពទាក់ទាញ និងផ្ដល់ភាពងាយស្រួលដល់ការធ្វើដំណើររបស់បងប្អូនប្រជាពលរដ្ឋ និងភ្ញៀវទេសចរណ៍ជាតិ-អន្តរជាតិ ៕
អត្ថបទ និង រូបថត : លោក អ៊ិន សីហរិទ្ធ
កែសម្រួលអត្ថបទ : លោក លីវ សាន្ត
