ការដេញថ្លៃគម្រោងសាងសង់ផ្លូវបេតុងអាមេ ១ខ្សែ ក្នុងឃុំប្រាសាទ ស្រុកវ៉ារិន ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី១៥ ខែសីហា ឆ្នាំ២០២៤ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ និងអ្នកពាក់ព័ន្ធជាច្រើនរូប។
លោកស្រី ឡែម ស្រីពី សមាជិកគណៈកម្មការលទ្ធកម្មឃុំប្រាសាទ ស្រុកវ៉ារិន បានឱ្យដឹងថា ចំពោះគម្រោងមូលនិធិឃុំឆ្នាំ២០២៤នេះ ឃុំប្រាសាទ បានដាក់ដេញថ្លៃគម្រោងសាងសង់ផ្លូវបេតុងអាមេចំនួន១ខ្សែ ប្រវែង១៤០ម៉ែត្រ ទទឹង៥.៥ម៉ែត្រ កម្រាស់បេតុង០.១៥ម៉ែត្រ ដាក់លូការពារផ្លូវមុខកាត់០.៨ម៉ែត្រ ៤កន្លែង និងស្លាកសញ្ញាគម្រោងចំនួន១ ស្ថិតក្នុងតម្លៃប៉ាន់ស្មាន ៩៦.៥៣៤.៦២០រៀល ដោយមានក្រុមហ៊ុនចំនួន៦ បានដាក់សំណើ។ ជាលទ្ធផលបានទៅលើក្រុមហ៊ុន ឯក គន្ធា ក្នុងតម្លៃ ៤៩.១២៦.០០០រៀល។
ជាមួយនឹងការទទួលបានសិទ្ធិនៃជួសជុលនេះ តំណាងក្រុមហ៊ុនម៉ៅការ បានធ្វើការប្ដេជ្ញាចិត្ត ដោយសន្យាសាងសង់ឱ្យត្រឹមត្រូវ ទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខខណ្ឌដែលចែងនៅក្នុងកិច្ចសន្យា៕
អត្ថបទ និងរូបភាព៖ លោក ស៊ុំ គីន
កែសម្រួល៖ លោក អ៊ុន ណារាជ្យ
