គណៈកម្មការលទ្ធកម្មឃុំគោកដូង និងឃុំស្រែខ្វាវ ស្រុកអង្គរជុំ ខេត្តសៀមរាប បានប្រកាសបញ្ចប់ការដេញថ្លៃគម្រោងសាងសង់ផ្លូវបេតុងអាមេ ចំនួន២ខ្សែប្រកបដោយជោគជ័យ នៅថ្ងៃទី០៦ ខែកញ្ញា ឆ្នាំ២០២៤ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ និងអ្នកពាក់ព័ន្ធជាច្រើនរូប។
លោក ហូ ខុម ប្រធានគណៈកម្មការលទ្ធកម្មឃុំគោកដូង ស្រុកអង្គរជុំ បានឱ្យដឹងថា ចំពោះគម្រោងមូលនិធិឃុំឆ្នាំ២០២៤នេះ ឃុំគោកដូង បានដាក់ដេញថ្លៃគម្រោងសាងសង់ផ្លូវបេតុងអាមេ ១ខ្សែប្រវែង២៦៥ម៉ែត្រ ទទឹង៤ម៉ែត្រ កម្រាស់បេតុង០.១៥ម៉ែត្រ ចាក់លូការពារផ្លូវ៤កង់ និងស្លាកសញ្ញាគម្រោងចំនួន១ ស្ថិតក្នុងតម្លៃប៉ាន់ស្មាន ១២៦.០៧៥.១០០រៀល ដោយមានក្រុមហ៊ុនចំនួន៤ បានដាក់សំណើ។ ជាលទ្ធផលបានទៅលើក្រុមហ៊ុន អ៉ី សៀងហៃ ក្នុងតម្លៃ ១២៤.៥៥០.០០០រៀល។
ដោយឡែកលោក លិវ វិន ប្រធានគណៈកម្មការលទ្ធកម្មឃុំស្រែខ្វាវ បានឱ្យដឹងដែរថា ចំពោះគម្រោងមូលនិធិឃុំឆ្នាំ២០២៤នេះ ឃុំស្រែខ្វាវ បានដាក់ដេញថ្លៃគម្រោងសាងសង់ផ្លូវបេតុងអាមេ ១ខ្សែប្រវែង២០០០ម៉ែត្រ ទទឹង៥ម៉ែត្រ កម្រាស់បេតុង០.១៥ម៉ែត្រ ចាក់លូការពារផ្លូវ៤កង់ និងស្លាកសញ្ញាគម្រោងចំនួន១ ស្ថិតក្នុងតម្លៃប៉ាន់ស្មាន ១២១.៨៤៨.៨០០រៀល ដោយមានក្រុមហ៊ុនចំនួន៤ បានដាក់សំណើ។ ជាលទ្ធផលបានទៅលើក្រុមហ៊ុន អ៉ី សៀងហៃ ក្នុងតម្លៃ ១២០.០០០.០០០រៀល។
ព័ត៌មានជាតិ ថ្មីៗ
ជាមួយនឹងការទទួលបានសិទ្ធិនៃជួសជុលនេះ តំណាងក្រុមហ៊ុនម៉ៅការ បានធ្វើការប្ដេជ្ញាចិត្ត ដោយសន្យាសាងសង់ឱ្យត្រឹមត្រូវ ទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខខណ្ឌដែលចែងនៅក្នុងកិច្ចសន្យា៕
អត្ថបទ និងរូបភាព៖ លោក ស៊ុំ គីន
កែសម្រួល៖ លោក អ៊ុន ណារាជ្យ
