កាលពីព្រឹកថ្ងៃទី១៤ ខែសីហា ឆ្នាំ២០១៨នេះ លោកជំទាវ គួយ ណាលីន ឃឹមប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប និងសហការី បានអញ្ជើញចុះប្រគល់អណ្ដូកទឹកស្អាតចំនួន២ គឺ អណ្ដូងទឹកស្អាតទី ២៦ និង២៧ របស់សាខាកាកបាទក្រហមកម្ពុជា ខេត្តសៀមរាប ជាប្រភេទអណ្ដូងស្នប់អាហ្វ្រីដេស៍ទី៥ និងទី៦ ជូនដល់ប្រជាពលនៅសហគមន៍ ភូមិថ្លាត និងភូមិថ្មី ស្ថិតក្នុងឃុំខ្ចាស់ ស្រុកស្រុកសូទ្រនិគម។
មានប្រសាសន៍នាឱកាសនោះ លោកជំទាវអនុប្រធានគណៈកម្មាធិការសាខា បានពាំនាំនូវការផ្ដាំផ្ញើសួរសុខទុក្ខពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តមបណ្ឌិត ឃឹម ប៊ុនសុង ប្រធានគណៈកម្មាធិការសាខា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ដូចដែលលើកឡើងថា កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា មិនទុកនរណាម្នាក់ចោល ហើយតាមរយៈនេះ សូមផ្តាំផ្ញើដល់សហគមន៍ និងសមាជិកគ្រួសារទាំងអស់ ត្រូវចេះសម្អាត ថែរក្សា អណ្ដូងទឹកស្អាតនេះ ដើម្បីបានប្រើប្រាស់យូរអង្វែងតរៀងទៅ សមនឹងពាក្យស្លោក ទឹកជាប្រភពនៃជីវិត ៕
អត្ថបទ និង រូបថត ៖ អ៊ិន សីហរិទ្ធ
កែសម្រួលអត្ថបទ ៖ លោក លីវ សាន្ត
