នៅថ្ងៃទី ៣០ ខែឧសភា ឆ្នាំ២០១៩ម្សិលមិញនេះ ជនសង្ស័យចំនួន០៣នាក់ ត្រូវបាននគរបានគ្រឿងញៀនខេត្តសៀមរាប បញ្ជូនខ្លួនទៅកាន់សាលាដំបូងខេត្ត ជាប់ពាក់ព័ន្ធនឹងករណីគ្រឿងញៀន។
ជនសង្ស័យទាំង ០៣នាក់រួមមាន៖ ទី១.ឈ្មោះ តាំង ហួត ភេទប្រុស ឆ្នាំកំណើត ១៩៩១ មុខរបរគ្មាន មានទីលំនៅ ភូមិ សាលាកន្សែង សង្កាត់ស្វាយដង្គំ ក្រុង ខេត្តសៀមរាប ជាប់ករណីរក្សាទុក ជួញដូរ និងប្រើប្រាស់ ហើយមានសារធាតុញៀនក្នុងខ្លួន
ទី២.ឈ្មោះ ផុន ឧស្សា ហៅខុង ភេទប្រុស ឆ្នាំកំណើត ១៩៩៩ មុខរបរ គ្មាន មានទីលំនៅ ភូមិ សាលាកន្សែង សង្កាត់ ស្វាយដង្គំ ក្រុងខេត្តសៀមរាបជាប់ករណីរក្សាទុក ជួញដូរ និងប្រើប្រាស់ ហើយមានសារធាតុញៀនក្នុងខ្លួន និងទី៣.ឈ្មោះ ទុំ ពេជ្រដាឡែន ភេទប្រុសឆ្នាំកំណើត ១៩៩០ មុខរបរគ្មាន មានទីលំនៅ ភូមិ វត្តស្វាយ សង្កាត់ សាលាកំរើក ក្រុង ខេត្តសៀមរាប ជាប់ករណីចាត់ចែង និងប្រើប្រាស់ ហើយមានសារធាតុញៀនក្នុងខ្លួន។
ជនសង្ស័យទាំង ០៣នាក់ត្រូវបានកំលាំងការិយាល័យប្រឆាំងគ្រឿងញៀន និងបានសហការជាមួយ កំលាំងការិយាល័យការពារនិងអន្តរាគមន៏បានឃាត់ខ្លួនបាន កាលពីវេលាម៉ោង២២ និង ៣០នាទី ថ្ងៃទី២៨ ខែ ឧសភា ឆ្នាំ២០១៩ ស្ថិតក្នុងភូមិ តាភុល សង្កាត់ស្វាយដង្គំ ក្រុង ខេត្តសៀមរាប។ ក្នុងប្រតិបត្តិការណ៍នេះកម្លាំងសមត្ថកិច្ចបានដកហូតវត្ថុតាងមួយចំនួនរួមមាន៖វត្ថុតាងដកហូត ម្សៅមេតំហ្វេតាមីនប្រភេទទឹកកកចំនួន ០២កញ្ចប់ ស្មើនឹងទម្ងន់០,៦ក្រាមទាំងសំបក ឧបករណ៍ប្រើប្រាស់គ្រឿងញៀនមួយចំនួន និងទូរស័ព្ទដៃចំនួន០២គ្រឿង៕
អត្ថបទ និងរូបភាព ៖ ថាច់ ពិសុទ្ធ
