នៅថ្ងៃទី ៣០ ខែឧសភា ឆ្នាំ២០១៩ម្សិលមិញនេះ ជនសង្ស័យចំនួន០២នាក់ ត្រូវបាននគរបានគ្រឿងញៀនខេត្តសៀមរាប បញ្ជូនខ្លួនទៅកាន់សាលាដំបូងខេត្ត ជាប់ពាក់ព័ន្ធនឹងករណីគ្រឿងញៀន។
ជនសង្ស័យទាំង ០២នាក់រួមមាន៖ ទី១.ឈ្មោះ ឃឹម វិសាល ហៅអូន ភេទប្រុស ឆ្នាំកំណើត ១៩៩២ មុខរបរគ្មាន មានទីលំនៅ ភូមិស្វាយព្រៃ សង្កាត់ស្វាយដង្គំ ក្រុង ខេត្តសៀមរាប ជាប់ករណីរក្សាទុក ជួញដូរ និងប្រើប្រាស់ ហើយមានសារធាតុញៀនក្នុងខ្លួន។ ទី២.ឈ្មោះ នូ សេម៉ារិទ្ធ ហៅប្រុស ភេទប្រុស ឆ្នាំកំណើត ១៩៩៣ មុខរបរ គ្មាន មានទីលំនៅ ភូមិទ្រាំង សង្កាត់ស្លក្រាម ក្រុងខេត្តសៀមរាបជាប់ករណីរក្សាទុក ជួញដូរ និងប្រើប្រាស់ ហើយមានសារធាតុញៀនក្នុងខ្លួន។
សូមបញ្ជាក់ផងដែរថាជនសង្ស័យទាំង ០២នាក់ត្រូវបានឃាត់ខ្លួន កាលពីវេលាម៉ោង០៩ និង ១០នាទី ថ្ងៃទី២៩ ខែ ឧសភា ឆ្នាំ២០១៩ ដោយកំលាំងការិយាល័យប្រឆាំងគ្រឿងញៀន និងបានសហការជាមួយ កំលាំងការិយាល័យចរាចរណ៍ផ្លូវគោកខេត្ត បានចុះបង្ក្រាបនៅចំនុចលើដងផ្លូវមួយកន្លែង ស្ថិតក្នុងភូមិកក្រាញ់ សង្កាត់ សៀមរាប ក្រុង ខេត្តសៀមរាប ។
ក្នុងប្រតិបត្តិការណ៍នេះកម្លាំងសមត្ថកិច្ចបានដកហូតវត្ថុតាងមួយចំនួនរួមមាន៖វត្ថុតាងដកហូត ម្សៅមេតំហ្វេតាមីនប្រភេទទឹកកក ចំនួន១០កញ្ចប់ ស្មើនឹងទម្ងន់៩,៣ក្រាមទម្ងន់សុទ្ធ និងទូរស័ព្ទដៃ ចំនួន០២គ្រឿង៕
អត្ថបទ និងរូបភាព ៖ ថាច់ ពិសុទ្ធ គឿន វ៉េត
