ការដាក់ដេញថ្លៃគម្រោងសាងសង់ផ្លូវដីស ក្រាលក្រួសធម្មជាតិមួយខ្សែ ស្ថិតក្នុងឃុំស្វាយចេក ស្រុកអង្គរធំ ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី១១ ខែវិច្ឆិកា ឆ្នាំ២០២៤ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ និងអ្នកពាក់ព័ន្ធជាច្រើនរូប។
លោក ឈួន ឯម ប្រធានគណៈកម្មការលទ្ធកម្មឃុំស្វាយចេក ស្រុកអង្គរធំ បានឱ្យដឹងថា ចំពោះគម្រោងមូលនិធិឃុំឆ្នាំ២០២៤នេះ លើកទី១នេះ ឃុំស្វាយចេក បានដាក់ដេញថ្លៃគម្រោងសាងសង់ផ្លូវដីស ក្រាលក្រួសធម្មជាតិ១ខ្សែ ប្រវែង៨គីឡូម៉ែត្រ ទទឹង៥ម៉ែត្រ កម្រាស់ក្រួស០.១៥ម៉ែត្រ ដាក់លូកាត់ផ្លូវ៤កន្លែង និងស្លាកសញ្ញាគម្រោងចំនួន៣ ស្ថិតក្នុងតម្លៃប៉ាន់ស្មាន ១១០.៣២៤.៥២១រៀល ដោយមានក្រុមហ៊ុនចំនួន១០ បានដាក់សំណើ។ ជាលទ្ធផលបានទៅលើក្រុមហ៊ុន ម៉ូវ សុីថាយ ក្នុងតម្លៃ ៤១.៩២៥.០០០រៀល។
ព័ត៌មានជាតិ ថ្មីៗ
ជាមួយនឹងការទទួលបានសិទ្ធិសាងសង់នេះ តំណាងក្រុមហ៊ុនម៉ៅការ បានធ្វើការប្ដេជ្ញាចិត្ត ដោយសន្យាសាងសង់ឱ្យត្រឹមត្រូវ ទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខខណ្ឌដែលចែងនៅក្នុងកិច្ចសន្យា៕
អត្ថបទ និងរូបភាព៖ លោក ស៊ុំ គីន
កែសម្រួល៖ លោក អ៊ុន ណារាជ្យ
