នៅល្ងាចថ្ងៃទី១០ ខែមិថុនាឆ្នាំ ២០១៩ម្សិលមិញនេះ ជនសង្ស័យចំនូន ០៣នាក់ដែលជាប់ពាក់ព័ន្ធនឹងករណីគ្រឿងញៀន ត្រូវបានកំលាំងនគរបាលការិយាល័យប្រឆាំងគ្រឿងញៀន បញ្ចូនខ្លួនទៅសាលាដំបូងខេត្តហើយ។
ជនសង្ស័យចំនួន ០៣ នាក់រួមមាន ៖
ទី១-ឈ្មោះ ពុំ សែន ភេទប្រុស ឆ្នាំកំណើត ១៩៩១ ជនជាតិខ្មែរ មានទីលំនៅភូមិបន្ទាយស្រី ឃុំខ្នារសណ្តាយ ស្រុកបន្ទាយស្រី ខេត្តសៀមរាប ជាប់ពាក់ព័ន្ធករណី រក្សាទុក ចែកចាយ និងប្រើប្រាស់ ហើយមានសារធាតុញៀនក្នុងខ្លួន ,
ទី២-ឈ្មោះ ឆើត ម៉ៅ ភេទប្រុស ឆ្នាំកំណើត ២០០៤ ជនជាតិខ្មែរ មានទីលំនៅភូមិកុំព្រំ(អ៊ូប៉ោង) ឃុំឃុនរាម ស្រុកបន្ទាយស្រី ខេត្ត សៀមរាប ជាប់ពាក់ព័ន្ធករណី រក្សាទុក ចែកចាយ និងប្រើប្រាស់ ហើយមានសារធាតុញៀនក្នុងខ្លួន ,
ទី៣– ឈ្មោះ រឹម រ៉ា ភេទប្រុសឆ្នាំកំណើត ១៩៩២ ជនជាតិខ្មែរ មានទីលំនៅភូមិទួលក្រឡាញ់ ឃុំខ្នារសណ្តាន់ ស្រុកបន្ទាយស្រី ខេត្ត សៀមរាប ជាប់ពាក់ព័ន្ធករណី រក្សាទុក ចែកចាយ និងប្រើប្រាស់ ហើយមានសារធាតុញៀនក្នុងខ្លួន។
សូមបញ្ជាក់ថា ជនសង្ស័យទាំង០៣នាក់ ត្រូវបានឃាត់ខ្លួនកាលពីវេលាម៉ោង១៩ និង៣០ នាទីថ្ងៃទី០៨ ខែ មិថុនា ឆ្នាំ ២០១៩ ដោយកំលាំងការិយាល័យប្រឆាំង គ្រឿងញៀនបានចូលរួមសហការ ជាមួយកំលាំងអធិការស្រុកបន្ទាយស្រី បានចុះបង្ក្រាបបទរក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំនុចលើដងផ្លូវស្ថិតនៅភូមិកកោះជ្រុំ ឃុំខ្នារសណ្តាយ ស្រុកបន្ទាយស្រី ខេត្តសៀមរាប នឹងបានដកហូតវត្ថុតាងរួមមាន៖ ម្សៅមេតំហ្វេតាមីនប្រភេទទឹកកកចំនួន ០១កញ្ចប់ ស្មើនឹងទម្ងន់ ០.៣ក្រាមទាំងសំបកទូរស័ព្ទដៃចំនួន ០២គ្រឿង និងបានបញ្ជូនខ្លួនជនសង្ស៧យទាំង០៣នាក់ និងវត្ថុតាំង ទៅសាលាដំបូងខេត្ត កាលពីល្ងាចថ្ងៃទី១០ ខែមិថុនា ឆ្នាំ២០១៩ ម្សិលមិញនេះ ៕
អត្ថបទ និង រូបភាព ៖ ថាច់ ពិសុទ្ធ
កែសម្រួល ៖ អ៊ុន ណារាជ្យ
