រដ្ឋបាលខេត្តសៀមរាប សហការជាមួយក្រសួងការពារជាតិ បានរៀបចំពិធីបុណ្យសពជូនវីរយុទ្ធជនខ្មែរដ៏អង់អាចក្លាហាន ដែលបានពលីក្នុងការពារបូរណភាពទឹកដី ពីការឈ្លានពានរបស់ពួកខ្មាំងសត្រូវឈ្លានពាន។
ក្នុងនាមក្រុមប្រឹក្សាខេត្ត គណៈអភិបាលខេត្ត កងកម្លាំងប្រដាប់អាវុធ មន្ត្រីរាជការ ព្រមទាំងប្រជាពលរដ្ឋទូទាំងខេត្តសៀមរាប មានសេចក្ដីរន្ធត់តក់ស្លុតឥតឧបមា ក្រោយពីបានទទួលដំណឹងយ៉ាងក្រៀមក្រំ វីរយុទ្ធជនខ្មែរដ៏អង់អាចក្លាហានដែលបានពលីក្នុងកិច្ចការពារបូរណភាពទឹកដី ដើម្បីការពារអធិបតេយ្យជាតិពីការឈ្លានពានរបស់ពួកខ្មាំងសត្រូវលើសមរភូមិមុខ។ ក្នុងបរិយាកាសដ៏សែនក្ដុកក្ដួលនេះ ក្នុងនាមរដ្ឋបាលខេត្ត សូមសម្ដែងនូវការសោកស្ដាយ អាឡោះអាល័យជាអនេក និងសូមចូលរួមរំលែកទុក្ខ ដ៏សែនក្រៀមក្រំបំផុតជាមួយក្រុមគ្រួសារ។
មរណភាពរបស់ វីរយុទ្ធជនខ្មែរដ៏អង់អាចក្លាហានក្នុងកិច្ចការពារបូរណភាពទឹកដី ការពារអធិបតេយ្យជាតិ ពីការឈ្លានពានរបស់ពួកខ្មាំងសត្រូវលើសមរភូមិមុខ គឺជាការបាត់បង់ដ៏ធំធេង មិនត្រឹមតែចំពោះក្រុមគ្រួសារប៉ុណ្ណោះទេ តែក៏ជាការបាត់បង់នូវវីរយុទ្ធជនខ្មែរដ៏អង់អាចក្លាហានម្នាក់ ដែលបានបូជាសាច់ស្រស់ ឈាមស្រស់ ក្នុងកិច្ចការពារបូរណភាពទឹកដី ការពារអធិបតេយ្យជាតិ ពីការឈ្លានពានរបស់ពួកខ្មាំងសត្រូវលើសមរភូមិមុខ គួរឱ្យស្ញប់ស្ញែងជាទីបំផុត។
ព័ត៌មានជាតិ ថ្មីៗ
សូមដួងវិញ្ញាណក្ខន្ធរបស់វីរយុទ្ធជនខ្មែរដ៏អង់អាចក្លាហានរបស់យើង បានទៅកាន់សុគតិភពកុំបីឃ្លៀងឃ្លាតឡើយ យើងខ្ញុំនឹងចង់ចាំនូវគំរូវីរភាពដ៏អង់អាចក្លាហានរបស់លោកក្នុងក្រអៅបេះដូងជារៀងរហូត៕
អត្ថបទ និងរូបភាព៖ រដ្ឋបាលខេត្តសៀមរាប
