សន្និសទីកំពូលសារព័ត៌មានអាស៊ីលើកទី១៦នៅខេត្តសៀមរាប លើកឡើងពីប្រធានបទថ្មីមួយទៀត ការរកចំណូលសម្រាប់ប្រព័ន្ធផ្សព្វផ្សាយគឺមានសារៈសំខាន់ណាស់ ដើម្បីអោយដំណើរការ និងរត់តាមទាន់នូវភាពវិវត្តន៍នៃបច្ចេកវិទ្យាទើបមានមានអ្នកមើលច្រើន។
បច្ចុប្បន្ន ប្រព័ន្ធផ្សព្វផ្សាយដែលមានដូចជាទូរទស្សន៍ កាសែត វិទ្យុ និងបណ្តាញផ្សេងៗ មានការវិវត្តន៍យ៉ាងលឿន រត់ទៅតាម បច្ចេកវិទ្យា ។ ការវិវត្តន៍នេះ គឺលុយជាបញ្ហាសំខាន់មួយ ដែលជាចលករជំរុញភាពរីកចំរើនរបស់ប្រព័ន្ធផ្សាយទាំងនោះ ។នេះបើតាមការលើកឡើងរបស់លោក លាង ដឺលុច នាយកប្រតិបត្តិសារព័ត៌មានអេឡិចត្រូនិច ថ្មីថ្មី ជាវាគ្មិនក្នុងសន្និសទីកំពូលសារព័ត៌មានអាស៊ីលើកទី១៦ នៅខេត្តសៀមរាប បានបញ្ជាក់នៅក្នុងថ្ងៃទី១៣ខែមិថុនា ឆ្នាំ២០១៩។លោក លាង ដឺលុច បន្តថា៖ ការរកចំណូលសម្រាប់ប្រព័ន្ធផ្សព្វផ្សាយគឺមានសារៈសំខាន់ណាស់ ដើម្បីអោយដំណើរការ និងរត់តាមទាន់នូវភាពវិវត្តន៍នៃបច្ចេកវិទ្យាទើបមានមានអ្នកមើលច្រើន ។ ប្រធានបទរកចំណូលសម្រាប់ប្រព័ន្ធផ្សព្វផ្សាយ អាចចាត់ទុកជាប្រធានបទធំជាងគេក្នុងសន្និសទីកំពូលសារព័ត៌មានអាស៊ីលើកទី១៦ ពិសេសក្នុងយុគសម័យឌីថល ។
ថ្នាក់ដឹកនាំក្រសួងព័ត៌មានរំពឹងទុកថាការផ្សព្វផ្សាយតាមប្រព័ន្ឋប្រពៃណីចាស់បូកជាមួយ ប្រព័ន្ឋបច្ចេកវិទ្យាឌីជីថលនឹងទទួលបានផលចំណេញកាន់តែច្រើនថ្លែងឱ្យដឹងក្នុងពេលសម្រាកនៃវេទិកាប្រព័ន្ធផ្សព្វផ្សាយឌីជីថល ឯកឧត្តម អ៊ិន ឆាយ អនុរដ្ឋលេខាធិការក្រសួងព័ត៌មាន បានឲ្យដឹងថា វេទិកានៅព្រឹកថ្ងៃទី១៣ ខែមិថុនា ឆ្នាំ២០១៩នេះ ជារបៀបវារៈមួយ ក្នុងចំណោមរបៀបវារៈនៃសន្និសីទសារព័ត៌មានអាស៊ីលើកទី១៦ នៅក្រុងសៀមរាប ពិភាក្សានិងផ្តល់នូវគំនិតល្អៗ ផ្តោតលើវិធីសាស្ត្រនៃការរកចំណូលតាមរយៈ «ប្រព័ន្ធផ្សព្វផ្សាយឌីជីថល»។
ឯកឧត្តម បញ្ជាក់ថា៖តាមរយៈការលើកឡើងរបស់វាគ្មិនសុទ្ឋតែបានលើកឡើងពីបទពិសោធនៃការប្រើនូវបច្ចេកវិទ្យាទំនើបបច្ចេកទេស លើកឡើងបីវិធីសាស្ត្រ និងវិធានការ តាមប្រទេសរៀងៗខ្លួន ដើម្បីប្រមូលចំណូល យកមកធ្វើអាជីវកម្មនៅក្នុងស្ថាប័នផ្សព្វផ្សាយ ជាពិសេសបច្ចេកវិទ្យាឌីជីថ ដើម្បីយកមកបញ្ចូលក្នុងការផលិតកម្មវិធីរបស់គេ តាមការទាក់ទាញអតិថិជនតាមរយៈអ្នកស្តាប់ អ្នកទស្សនា អ្នកអាន និងទាក់ទាញអ្នកធ្វើអាជីវកម្ម ពាណិជ្ជកម្ម ឱ្យមកស្ថាប័នផ្សព្វផ្សាយរបស់យើង ធ្វើយ៉ាងណាដើម្បីប្រមូលទាញយកចំណូលមកបំរើឱ្យស្ថាប័នរបស់ខ្លួន។
ឯកឧត្តម លើកឡើងថា៖វាគ្មិនខ្លះលើកឡើងពីមធ្យបាយនៃការរកចំណូលរបស់គេតាមការដាក់បញ្ចូលផ្សំគ្នារវាងប្រព័ន្ឋផ្សព្វផ្សាយតាមបែបប្រពៃណី ជាមួយនឹងប្រព័ន្ឋផ្សព្វផ្សាយបច្ចេកវិទ្យាទំនើប ច្នៃប្រឌិតផលិតចេញជាកម្មវិធិដែលមានគុណភាពខ្ពស់ និងប្រកបដោយភាពទាក់ទាញ។
ឯកឧត្តម មានប្រសាសន៍រំពឹងទុកថា៖តាមរយៈនៃវេទិកានេះ ស្ថាប័នប្រព័ន្ឋផ្សព្វផ្សាយផ្សេងៗរបស់កម្ពុជានឹងទទួលបាននូវគំនិត និងបទពិសោធល្អៗ យកទៅកែច្នៃប្រព័ន្ឋផ្សព្វផ្សាយរបស់ខ្លួន ស្របតាមបរិបទក្នុងប្រទេសកម្ពុជា ដើម្បីកែលំងកម្មវិធីផ្សព្វផ្សាយរបស់ខ្លួនទាញយកប្រាក់ចំណូលបានកាន់តែច្រើន។សូមបញ្ជាក់ថា អ្នកសារព័ត៌មាន និងអ្នកជំនាញខាងប្រព័ន្ធផ្សព្វផ្សាយជាតិនិងអន្តរជាតិ ៦០០នាក់ មកពី៤២ប្រទេស បានមកជួបជុំគ្នានៅលើកទឹកដីអង្គរ ប្រទេសកម្ពុជាក្នុងសន្និសីទកំពូលសារព័ត៌មានអាស៊ីលើកទី១៦ រៀបចំឡើងនៅសណ្ឋាគារសុខា ខេត្តសៀមរាប ។ វាគ្មិនដែលមានបទពិសោធន៍ខ្ពស់ ក្នុងផ្នែកប្រព័ន្ធផ្សព្វផ្សាយ ៧០រូប បានធើ្វការចែករំលែកនូវចំណេះ និងបទពិសោធន៍នៅក្នុងសន្និសីទនេះលើប្រធានបទផ្សេងៗគ្នា ។
អត្ថបទ រូបភាព៖ យូ វង្ស
