ព័ត៌មានជាតិ ថ្មីៗ
មានប្រសាសន៍ក្នុងកិច្ចប្រជុំស្តីពីការរៀបចំសន្តិសុខ សុវត្តិភាព សណ្តាប់ធ្នាប់ របៀបរៀបរយនិងអនាម័យបរិស្ថានជុំវិញបរិវេណព្រះវិហារព្រអង្គចេក ព្រះអង្គចម កាលពីថ្ងៃទី១៥ ខែសីហា ឆ្នាំ២០១៨ម្សិលមិញនេះ លោក ពៅ ពិសិដ្ឋ អភិបាលរងខេត្ត បានណែនាំបន្ថែមដល់គណៈកម្មការគ្រប់គ្រងព្រះវិហារព្រះអង្គចេក ព្រះអង្គចម ត្រូវរៀបចំសន្តិសុខសណ្តាប់ឲ្យមានរបៀបរៀបរយបន្ថែមទៀត ពិសេសការរៀបចំអនាម័យ និង បរិស្ថានឲ្យបានស្អាតជាងនេះ ព្រោះថាតំបន់ព្រះអង្គចេកព្រះអង្គចមច្ចុប្បន្ននេះ មានការទាក់ទាញភ្ញៀវទេសចរជាតិ និងអន្តរជាតិជាច្រើន ដើម្បីមកបួងសួងសុំសេចក្តីសុខសេចក្តីចម្រើន និងថ្វាយដង្វាយដល់ព្រះអង្គ ពិសេស សុំឲ្យជួយធ្វើការណែនាំដល់បងប្អូនជនរួមជាតិទាំងអស់ ដែលបានអញ្ជើញមកថ្វាយដង្វាយ ក៏ដូចជាការបួងសួងសុំសេចក្តីសុខនោះ សូមឲ្យជួយចូលរួមរៀបចំសណ្តាប់ធ្នាប់ ក៏ដូចជាការសម្អាតអនាម័យបរិស្ថានផង ដើម្បីជាការចូលរួមចំណែកសម្អាតបរិស្ថានប្រទេសយើង៕
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#ព្រះអង្គចេកព្រះអង្គចម
