នៅថ្ងៃទី១៧ ខែកញ្ញា ឆ្នាំ២០២៥ ក្រសួងពាណិជ្ជកម្ម សហការរៀបចំដោយនាយកដ្ឋាននីតិកម្ម និងមន្ទីរពាណិជ្ជកម្មខេត្តសៀមរាប បានរៀបចំសិក្ខាសាលាផ្សព្វផ្សាយច្បាប់ ស្តីពីប្រតិបត្តិការដែលមានកិច្ចធានា និងរបៀបប្រើប្រាស់ប្រព័ន្ធតម្កល់លិខិតជូនដំណឹងនៃប្រតិបត្តិការដែលមានកិច្ចធានា កំណែ ២.០ (SETFO 2.0) (www.setfo.moc.gov.kh) ជូនដល់អ្នកពាក់ព័ន្ធក្នុងខេត្តសៀមរាប ក្រោមអធិបតីភាព លោកជំទាវ ខា ឡេង រដ្ឋលេខាធិការក្រសួងពាណិជ្ជកម្ម។
លោកជំទាវ ខា ឡេង មានប្រសាសន៍ថា សិក្ខាសាលានេះ មានគោលបំណងបង្កើនការយល់ដឹងអំពីច្បាប់ ស្តីប្រតិបត្តិការដែលមានកិច្ចធានា (ឆ្នាំ២០០៧) និងលិខិតបទដ្ឋានគតិយុត្តពាក់ព័ន្ធ ដែលជួយជំរុញឱ្យសហគ្រាសធុនតូច និងមធ្យម (SMEs) ព្រមទាំងអ្នកប្រកបរបរកសិពាណិជ្ជកម្ម អាចមានលទ្ធភាពទទួលបានឥណទានបន្ថែមដើម្បីទ្រទ្រង់សកម្មភាពអាជីវកម្មរបស់ខ្លួន ដោយប្រើប្រាស់ចលនទ្រព្យជាទ្រព្យធានា។
លោកជំទាវ បន្តថា សិក្ខាសាលានេះ មន្រ្តីជំនាញនឹងធ្វើបទបង្ហាញស្តីពីទិដ្ឋភាពទូទៅ និងសារៈសំខាន់នៃច្បាប់ស្តីពី ប្រតិបត្តិការដែលមានកិច្ចធានា និងលិខិតបទដ្ឋានគតិយុត្ត ពាក់ព័ន្ធនឹងច្បាប់ស្តីពីប្រតិបត្តិការដែលមានកិច្ចធានា។ បទបង្ហាញស្តីពីរបៀបប្រើប្រាស់ប្រព័ន្ធតម្កល់លិខិតជូន ដំណឹងនៃប្រតិបត្តិការដែលមានកិច្ចធានា(SETFO 2.0)។ បទបង្ហាញស្តីពីប្រព័ន្ធទូរស័ព្ទសាធារណៈរបស់ក្រសួង ពាណិជ្ជកម្ម ១២៦៦ និងការការពារព័ត៌មានរបស់អ្នកពីការ វាយប្រហារពី_Phishing_Attack ផងដែរ៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
