សិក្ខាកាមជាសមាជិកក្រុមប្រឹក្សា ចំនួន៥៤នាក់ ក្នុងខេត្តចំនួនបី រួមមានខេត្តសៀមរាប កំពង់ធំ ខេត្តត្បូងឃ្មុំ និង ខេត្តកំពង់ចាម ចូលរួម បើកវគ្គបណ្តុះបណ្តាលតម្រង់ទិស ស្តីពី ការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ តាមបែបវិមជ្ឈការ សម្រាប់ក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣ ក្រោមវត្តមាន លោក ពៅ ពិសិដ្ឋ អភិបាលរងខេត្ត តំណាងឯកឧត្តម ទៀ សីហា អភិបាលនៃគណៈអភិបាលខេត្តសៀមរាប និង លោក ឈួន បុណ្ណា ទីប្រឹក្សាក្រសួងមហាផ្ទៃ។
តាមរយៈការគ្រប់គ្រងរដ្ឋបាល តាមបែបវិមជ្ឈការ រាជរដ្ឋាផិបាលកម្ពុជាបានប្រគល់នូវភាពជាម្ចាស់លើមុខងារ សិទ្ធិអំណាច ការទទួលខុសត្រូវ និងធនធាន ( ហិរញ្ញវត្ថុ ទ្រព្យសម្បត្តិ និង បុគ្គលិក) ឲ្យទៅក្រុមប្រឹក្សានៅថ្នាក់ក្រោមជាតិ ដូចជា ក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ ក្រុមប្រឹក្សាឃុំ ក្រុមប្រឹក្សាសង្កាត់ ដើម្បីឆ្លើយតបទៅនឹងតម្រូវការរបស់មូលដ្ឋាន។
មានប្រសាសន៍នាព្រឹកថ្ងៃទី ០៨ ខែ កក្កដានេះ លោក ពៅ ពិសិដ្ឋ បានលើកឡើងថា វគ្គបណ្តុះបណ្ដាលនេះ គឺជាការយកចិត្តទុកដាក់ខ្ពស់របស់ ប្រមុខរាជរដ្ឋាភិបាល ជាពិសេសក្រសួងមហាផ្ទៃ ទៅដល់ឯកឧត្តម លោកជំទាវ លោក អ្នកស្រី ដែលជាសមាជិកក្រុម ប្រឹក្សាខេត្ត ក្រុង ស្រុក ខណ្ឌ ដែលទើបជាប់ឆ្នោតថ្មី ក្នុងការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣ កាលពីថ្ងៃទី២៦ ខែ ឧសភា ឆ្នាំ២០១៩កន្លងមកនេះ ។ ជាមួយគ្នានេះដែរ វាក៏ជាការចូលរួមក្នុងការចែករំលែកនូវចំណេះដឹង បទពិសោធន៍ជូនដល់ក្រុមប្រឹក្សារាជធានី ខេត្ត ក្រុង ស្រុក ខណ្ឌ ដែលទើបចូលកាន់មុខតំណែងរបស់ខ្លួន ក្នុងការកំណែទម្រង់ស៊ីជម្រៅ ដើម្បីសម្រេចគោលដៅយុទ្ធសាស្ត្រ ចតុកោណដំណាក់កាលទី៤ និង បន្តពង្រឹងយន្តការនានារបស់រាជរដ្ឋាភិបាល ក្នុងនីតិកាលថ្មីនេះឲ្យធានាបាននូវកំណើន ការងារ សមធម៌ ប្រសិទ្ធភាព ព្រមជាមួយនឹងភាពស័ក្តិសិទ្ធិ នៃរដ្ឋបាលសាធារណៈថ្នាក់ក្រោមជាតិផងដែរ ។
លោកបានគូសបញ្ជាក់ថា កាពង្រឹងសមត្ថភាពរបស់រដ្ឋបាលថ្នាក់ក្រោមជាតិ ត្រូវបានចាត់ទុកថា មាន សារៈសំខាន់ចាំបាច់មិនអាចមើលរំលងបានឡើយ ។
ម្យ៉ាងទៀត តាមរយៈកម្មវិធីជាតិរយៈពេល១០ឆ្នាំ សម្រាប់ការ អភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ របស់គណៈកម្មាធិការជាតិសម្រាប់ការអភិវឌ្ឍ បែបប្រជាធិបតេយ្យនៅថ្នាក់ក្រោមជាតិ បានយកចិត្តទុកដាក់ខ្លាំង ក្នុងការអភិវឌ្ឍសមត្ថភាពទាំងក្រុមប្រឹក្សា និង មន្ត្រីរាជការស៊ីវិល ដែលកំពុងបម្រើការងារនៅរដ្ឋបាលថ្នាក់ក្រោមជាតិ ដើម្បីគាំទ្រដល់ការកសាងសមត្ថភាព ក្នុងការបំពេញការងាររបស់រដ្ឋបាល ថ្នាក់ក្រោមជាតិ ។ លោកក៏មានបានធ្វើការផ្តាំផ្ញើ និងណែនាំមួយចំនួន ព្រមទាំងបានផ្តល់នូវបទពិសោធន៍ការងារល្អៗ មួយចំនួនដល់សិក្ខាកាម និង មានសង្ឃឹមថា វគ្គបណ្តុះបណ្តាលនេះ ឯកឧត្តម លោកជំទាវ នឹងទទួលបាននូវចំណេះដឹង ថ្មីៗ ដើម្បីយកទៅប្រើប្រាស់ក្នុងការអនុវត្ត តួនាទី ភារកិច្ចរបស់ខ្លួនប្រកបដោយប្រសិទ្ធភាព និង លើកកម្ពស់ការអភិវឌ្ឍ សេដ្ឋកិច្ចសង្គម និង រួមចំណែកក្នុងការសម្រេចគោលដៅ នៃកំណែទម្រង់វិមជ្ឈការ និង វិសហមជ្ឈការ របស់រាជរដ្ឋាភិបាលកម្ពុជា កាន់តែមានប្រសិទ្ធភាពខ្ពស់ថែមទៀតផង ៕
លោក ពៅ ពិសិដ្ឋ ក៏បានគូសបញ្ជាក់ផងដែរថា បើកវគ្គបណ្តុះបណ្តាលតម្រង់ទិស ស្តីពី ការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ តាមបែបវិមជ្ឈការ សម្រាប់ក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣នេះ ក៏ស្របទៅតាមកម្មវិធីជាតិរយៈពេល១០ឆ្នាំ របស់គណៈកម្មាធិការជាតិសម្រាប់ការអភិវឌ្ឍ បែបប្រជាធិបតេយ្យនៅថ្នាក់ក្រោមជាតិ សម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដើម្បីគាំទ្រដល់ការកសាងសមត្ថភាព ក្នុងការបំពេញការងាររបស់រដ្ឋបាល រាជធានី ខេត្ត ក្រុង ស្រុក ខណ្ឌ ។
លោកអភិបាលរងខេត្ត ក៏បានធ្វើការផ្តាំផ្ញើ និងណែនាំមួយចំនួន ព្រមទាំងបានចែករំលែកនូវបទពិសោធន៍ការងារល្អៗ មួយចំនួនដល់សិក្ខាកាម និងសង្ឃឹមថា វគ្គបណ្តុះបណ្តាលនេះ សិក្ខាកាមទាំងអស់នឹងទទួលបាននូវចំណេះដឹង ថ្មីៗ ដើម្បីយកទៅប្រើប្រាស់ក្នុងការអនុវត្ត តួនាទី ភារកិច្ចរបស់ខ្លួនប្រកបដោយប្រសិទ្ធភាព និង លើកកម្ពស់ការអភិវឌ្ឍ សេដ្ឋកិច្ចសង្គម និង រួមចំណែកក្នុងការសម្រេចគោលដៅ នៃកំណែទម្រង់វិមជ្ឈការ និង វិសហមជ្ឈការ របស់រាជរដ្ឋាភិបាលកម្ពុជា កាន់តែមានប្រសិទ្ធភាពខ្ពស់ថែមទៀតផង ៕
អត្ថបទ និង រូបថត : លោក ម៉ី សុខារិទ្ធ
កែសម្រួលអត្ថបទ : លោក សេង ផល្លី
