លុយសុទ្ធខុសច្បាប់ជាង២លានដុល្លារ នាំយកពីប្រទេសចិន ត្រូវសមត្ថកិច្ចឃាត់បានភ្លាមៗនៅសៀមរាប

កម្លាំងនគរបាលអន្តោប្រវេសន៍ ឃាត់ខ្លួនជនជាតិកូរ៉េខាងត្បូង ២នាក់ នាំយកលុយជាង ២លានដុល្លារសហរដ្ឋអាមេរិច ពីទីក្រុងហុងកុង ប្រទេសចិន ចូលមកកម្ពុជា តាមព្រលានយន្តហោះអន្តរជាតិសៀមរាប កាលពីថ្ងៃទី៧ ខែកក្កដា ឆ្នាំ២០១៩។

យោងតាមរបាយការណ៍សមត្ថកិច្ចបានបង្ហាញថាប្រតិបត្តិការនេះ កម្លាំងប៉ុស្តិ៍នគរបាលអន្តោប្រវេសន៍ បានសហការជាមួយកម្លាំងការិយាលយ័គយ និងរដ្ឋាករប្រចាំអាកាសយានដ្ឋានអន្តរជាតិសៀមរាប បានឃាត់ខ្លួនជនជាតិកូរ៉េខាងត្បូង ចំនួន០២នាក់ នោះភ្លាមៗ នៅព្រលានយន្តហោះអន្តរជាតិសៀមរាប តាមជើងហោះហើរលេខ UO-706 (HKG-REP) មកពីទីក្រុងហុងកុង ប្រទេសចិន។ ពួកគេទាំងពីរមានឈ្មោះ៖ ទីមួយ ឈ្មោះ YOON WONGI អាយុជាង៣០ឆ្នាំ ទីពីរ ឈ្មោះ SONG HYUNHOO អាយុជាង៤០ឆ្នាំ។

នៅក្នុងរបាយការណ៍ដដែលនោះ បានបញ្ជាក់ថា ប្រាក់ដុល្លារខុសច្បាប់ទាំងអស់សរុបចំនួន ២,២០០,០០០ដុល្លារសហរដ្ឋអាមេរិច ក្នុងក្រដាស់ប្រាក់ ១០០ដុល្លារមានចំនួន ២១,៩០០សន្លឹក និង ក្រដាស់ប្រាក់ ៥០ដុល្លារ មានចំនួន ២០០សន្លឹក។

ព័ត៌មានជាតិ ថ្មីៗ

សាខាកាកបាទក្រហមកម្ពុជា ខេត្តសៀមរាប នាំយកអំណោយផ្ដល់ជូនក្រុមគ្រួសារយុទ្ធជនពលី នៅស្រុកប្រាសាទបាគង

30/11/2025

រដ្ឋបាលខេត្តសៀមរាប រៀបចំវេទិកាផ្សព្វផ្សាយ និងពិគ្រោះយោបល់នៅស្រុកស្រីស្នំ ដើម្បីស្វែងរកបញ្ហាប្រឈម និងដំណោះស្រាយជូនប្រជាពលរដ្ឋ

20/11/2025

យោងតាមបញ្ជារបស់នាយឧត្តមសេនីយ៍ អគ្គនាយកអន្តោប្រវេសន៍ ជនជាតិកូរ៉េទាំង០២នាក់ខាងលើ ត្រូវបានប្រគល់ជូន ក្រុមប្រតិបត្តិការទី១ (សៀមរាប) នាយកដ្ឋានស៊ើបអង្កេត និងអនុវត្តនីតិវិធី ចំណែកឯប្រាក់ដុល្លារចំនួន ចំនួន ២,២០០,០០០ដុល្លារសហរដ្ឋអាមេរិចនោះ ត្រូវបានរក្សាទុកបណ្តោះអាសន្ននៅការិយាល័យគយ និងរដ្ឋាករប្រចាំការក្នុងអាកាសយានដ្ឋានអន្តរជាតិសៀមរាប ដើម្បីបន្តនីតិវិធី៕