នៅព្រឹកថ្ងៃទី១១ ខែកក្កដានេះ នៅខេត្តសៀមរាប អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ថ្នាក់ដឹកនាំខេត្ត-ក្រុង-ស្រុក ថ្នាក់ដឹកនាំកម្លាំងសមត្ថកិច្ច មន្ទីរ-អង្គភាព សិស្សានុសិស្ស ប្រជាពលរដ្ឋ រួមនិងម្ចាស់ក្លឹបកំសាន្តក្នុងខេត្តសៀមរាបប្រមាណ ៤៣០នាក់ បានចូលរួមទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ “សុខភាពដើម្បីយុត្តិធម៌ យុត្តិធម៌ដើម្បីសុខភាព “។
តាមរបាយការណ៍របស់លេខាធិការដ្ឋាន នៃគណៈកម្មាធិការត្រួតពិនិត្យគ្រឿងញៀនខេត្តសៀមរាប លោកឧត្តមសេនីយ៍ត្រី អ៊ុំ អមរា ស្នងការរងនគរបាលខេត្តសៀមរាប បានឲ្យដឹងថា ក្នុងរយៈពេល៦ ខែដើមឆ្នាំ២០២៩នេះ ប្រតិបត្តិការបង្ក្រាបបទល្មើសគ្រឿងញៀនបានចំនួន២៤២ករណី ឃាត់ខ្លួនជនសង្ស័យបានចំនួន៦៩៣នាក់ ក្នុងនោះស្រី៥០នាក់ ហើយបានដកហូតវត្ថុតាងគ្រឿងញៀនសរុបប្រមាណ ៧,០៩៥.២៩ក្រាម ។
លោកឧត្តមសេនីយ៍ត្រី អ៊ុំ អមរា បានបន្ថែមថា ដោយឡែកជនរងគ្រោះដោយសារគ្រឿងញៀនត្រូវបានបញ្ផូនទៅអប់រំ និងព្យាបាលស្តារនីតិសម្បទានៅមជ្ឈមណ្ឌលស្តារនីតិសម្បទាអ្នកញៀនគ្រឿង នៃស្នងការដ្ឋាននគរបាលខេត្តសៀមរាបក្នុងឆមាសទី១ ឆ្នាំ២០១៩នេះ ចំនួន៦៨០នាក់ ស្រី៣១នាក់ និងនៅសល់ពីឆ្នាំ២០១៨ ចំនួន២២៧នាក់ ក្នុងនោះស្រី១២នាក់ និងបានធ្វើសមាហរណកម្មទៅរស់នៅក្នុងសហគមន៍វិញចំនួន៤៧០នាក់ ក្នុងនោះស្រី២៤នាក់ និងកំពុងបន្តព្យាបាលចំនួន២១០នាក់ ក្នុងនោះស្រី៧នាក់។ ចំពោះការអប់រំ និងព្យាបាល ស្តារនីតិសម្បទា ដោយផ្អែកលើសហគមន៍ក្នុងឆមាសទី១ ឆ្នាំ២០១៩នេះ មានអ្នកមកទទួលសេវាសរុបចំនួន ៦៨នាក់ ក្នុងនោះស្រី០៤នាក់។ ហើយបានធ្វើការផ្សព្វផ្សាយ និងអប់រំអំពីខ្លឹមសារប្រយុទ្ធប្រឆាំងនឹងគ្រឿងញៀនសរុបចំនួន ១,៥០០លើក មានអ្នកចូលរួមសរុប៧៦,៥៦៥នាក់ ស្រី៤៦,៤៧៦នាក់ ក្នុងនោះនៅតាមគ្រឹះស្ថានអប់រំ ១៧៤លើក វេទិការសាធារណៈ៩៦៥លើក តាមស្ថានីយវិទ្យុចំនួន២លើក និងចុះចែក-បិទខិតបណ្ណផ្សព្វផ្សាយដល់ប្រជាពលរដ្ឋនៅតាមសហគមន៍គោលដៅទេសចរណ៍ កន្លែងកំសាន្តសប្បាយនានា ចំនួន៣៥៩លើក និងចុះអនុវត្តវិធានការរដ្ឋបាលចំពោះអ្នកបើកបរយានយន្តចំនួន១៦លើក ស្មើរនឹង៣៨៩នាក់ និងមានលទ្ធផលវិជ្ផមានសរុប ៤២នាក់ ហើយបានបញ្ផូនទីមជ្ឈមណ្ឌលស្តារនីតិសម្បទាអ្នកញៀនគ្រឿងញៀនខេត្តសៀមរាបផងដែរ។
ព័ត៌មានជាតិ ថ្មីៗ
មានមតិសំណេះសំណាលក្នុងឱកាសនោះ ឯកឧត្តមឧត្តមសេនីយ៍ មាស វីរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន បានលើកឡើងថា ជាគោលការណ៍ ក្នុងនាមប្រទេសសមាជិកអង្គការសហប្រជាជាតិ តែងតែគិតគូរគ្រប់ជ្រុងជ្រោយពីសន្តិសុខ សណ្ដាប់ធ្នាប់ និងសុខុមាលភាពប្រជាពលរដ្ឋទូទាំងពិភពលោក ក៏ដូចជានៅព្រះរាជាណាចក្រកម្ពុជាផងដែរ។ ជានិច្ចកាលរាជរដ្ឋាភិបាលកម្ពុជា បានធ្វើប្រតិបត្តិការប្រយុទ្ធប្រឆាំងគ្រឿងញៀនដូចភ្លៀងរលឹម និងប្រើប្រាស់វិធានការក្តៅក្នុងការបង្ក្រាបដោយមិនរើសមុខឡើយ ។ ជាមួយគ្នានោះ រដ្ឋាភិបាល ក៏បានចូលរួម និងគាំទ្រយ៉ាងពេញលេញគ្រប់យន្តការ និងសកម្មភាពនានាទាំងក្នុងកម្រិតក្របខណ្ឌជាតិ ទ្វេរភាគី អនុតំបន់ តំបន់ និងអន្តរជាតិ ។ ជាក់ស្ដែងការប្រារព្ធទិវាអន្តរជាតិនេះ រាជរដ្ឋាភិបាលបានដាក់ចេញនូវយុទ្ធនាការប្រយុទ្ធប្រឆាំងគ្រឿងញៀនខុសច្បាប់ជាបន្តបន្ទាប់ ហើយបានឆ្លុះបញ្ចាំងយ៉ាងច្បាស់ពីឆន្ទ:ដ៏មោះមុត និងការប្ដេជ្ញាចិត្តយ៉ាងម៉ឺងម៉ាត់ធ្វើយ៉ាងណាឱ្យសម្រេចបានលទ្ធផលល្អប្រសើរ ដើម្បីសន្តិសុខ សណ្ដាប់ធ្នាប់ និងសុខុមាលភាពរបស់ប្រជាពលរដ្ឋយើង ។
ជាមួយគ្នានោះ ឯកឧត្តម បានជំរុញ ដល់ថ្នាក់ដឹកនាំអាជ្ញាធរគ្រប់លំដាប់ ថ្នាក់ និងអ្នកពាក់ព័ន្ធទាំងអស់ត្រូវយកចិត្តទុកដាក់អនុវត្ត ឲ្យដូចភ្លៀងរលឹមក្រោមទិសស្លោកថា ត្រូវប្រតិបត្តិការឱ្យជ:វភាព មានន័យថា លឿនរហ័សសកម្ម ហ្នឹងស្រួលជាមួយគ្នា ។ ឯកឧត្តម បានបន្តថា មន្ត្រីសមត្ថកិច្ចគ្រប់ប្រភេទ និងគ្រប់លំ ដាប់ថ្នាក់ត្រូវចៀសវាងអោយបានជាដាច់ខាត នូវកុំ ៤ប្រការគឺ កុំពាក់ព័ន្ធកុំ នៅពីក្រោយធ្វើជាបង្អែក កុំបន្ធូរបន្ថយ ប៊ និងកុំអន្តរាគមន៍ក្នុងបទល្មើសគ្រឿងញៀននេះ ។
ឯកឧត្តម បានបន្តថា មន្ត្រីសមត្ថកិច្ចគ្រប់ប្រភេទ និងគ្រប់លំ ដាប់ថ្នាក់ត្រូវចៀសវាងអោយបានជាដាច់ខាត នូវកុំ ៤ប្រការគឺ កុំពាក់ព័ន្ធ កុំនៅពីក្រោយធ្វើជាបង្អែក កុំបន្ធូរបន្ថយ និងកុំអន្តរាគមន៍ក្នុងបទល្មើសគ្រឿងញៀននេះ ។
អត្ថបទ និង រូបភាព : លោក អ៊ិន សីហរិទ្ធ
កែសម្រួលអត្ថបទ : លោក សេង ផល្លី
