ថ្ងៃទី១១ ខែកក្តដា ឆ្នាំ២០១៩ ស្ត្រីម្នាក់ បានធ្វើអត្តឃាត ចងកសម្លាប់ខ្លួន ស្ថិតនៅចំណុចភូមិវាល សង្កាត់ជ្រាវ ក្រុងសៀមរាប។
លោកវរៈសេនីយ៏ឯក ណុប សារ៉ាក់ អធិការនគរបាលក្រុងសៀមរាបបានឲ្យដឹងថា៖ សាកសពឈ្មោះ ហឿន សាវន់ ភេទស្រី អាយុ៥០ឆ្នាំ មានស្រុកកំណើតភូមិត្រពាំងសេះ ឃុំនគរធំ ក្រុងសៀមរាប ខេត្តសៀមរាប ទីលំបច្ចុប្បន្នភូមិវាល សង្កាត់ជ្រាវ ក្រុងសៀមរាប ខេត្តសៀមរាប បានចងកសម្លាប់ខ្លួននៅក្នុងបន្ទប់ទឹកនឹងអាវពណ៌ខ្មៅចងនឹងប្រហោងឥដ្ឋដែលមានកម្ពស់ប្រហែល១.៣០ម៉ែត្រ។
ក្រោយពីទទួលបានពត៌មាន លោកវរៈសេនីយ៏ឯក ណុប សារ៉ាក់បានចាត់កម្លាំងនគរបាលជំនាញចុះទៅពិនិត្យ តាមការពិនិត្យរបស់សមត្ថកិច្ចឃើញថាពុំមានស្នាកស្នាមអ្វីពាក់ព័ន្ធនឹងបទល្មើសព្រហ្មទណ្ឌឡើយ។
មូលហេតុដែលជនរងគ្រោះសម្រេចចិត្តចងករសម្លាប់ខ្លួនដោយសារជនរងគ្រោះមានជំងឺប្រចាំកាយ។ បន្ទាប់ពីធ្វើការពិនិត្យសាកសពរួចរាល់ កម្លាំងនគរបាលបានប្រគល់សាកសព ឲ្យក្រុមគ្រួសារ ដើម្បីធ្វើបុណ្យតាមប្រពៃណី។
អត្ថបទ និង រូបភាព : លោក ថាច់ ពិសុទ្ថ
កែសម្រួលអត្ថបទ : លោក សេង ផល្លី
