តមកនៅព្រឹកថ្ងៃដ៏ដែលនេះដែរ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន អនុញ្ញាតឲ្យលោក Sardar Umar Alam តំណាងអង្គការ UNESCO ប្រចាំកម្ពុជា ចូលជួបសម្តែងការគួរសម និងពិភាក្សាការងារ ដោយក្នុងឱកាស នោះ ខាង UNESCO បានថ្លែង កោតសរសើរចំពោះ ឯកឧត្តម ខៀវ កាញារីទ្ធ ដែលដឹក នាំរៀបចំសន្និសិទ្ធកំពូលប្រពន្ធ័ផ្សព្វផ្សាយអាស៊ី AMS នៅខេត្តសៀមរាប ក្នុង រយៈពេលកន្លងមកនេះបានយ៉ាងល្អ និងជោគជ័យ ។
នៅក្នុងការពិភាក្សាការងារនេះដែរ ក៏បានលើកឡើងពីដំណើរការនៃការ រៀបចំ ច្បាប់ស្ដីពីសិទ្ធទទួលព័ត៌មាន នៅក្នុងប្រទេសកម្ពុជា ដែលសិទ្ធនេះ មានអ្នកខ្លះថា ក្រសួងព័ត៌មាន រៀបចំតាក់តែងឡើងសម្រាប់តែអ្នកកាសែត ប៉ុន្តែជាទិដ្ឋភាពរួម ច្បាប់ស្តីពីសិទ្ធិទទួលព័ត៌មាន គឺសម្រាប់ប្រជាជនទាំងអស់គ្នា រួមទាំងអ្នកវិយោគទុន និងអ្នករកស៊ី បរទេស មកកម្ពុជា គេមានសិទ្ធស្នើសុំព័ត៌មាន ផ្សេងៗទាក់ទង និងមុខជំនួញរបស់គេបាន ដែលក្នុងច្បាប់បានកំណត់។ ដូច្នេះភាគី UNESCO ស្នើ ដល់ក្រសួងព័ត៌មានកម្ពុជា ក្នុងការរៀបចំជាកិច្ចប្រជុំរួមមួយ ជាមួយ បណ្តា អង្គការ សង្គមស៊ីវិល ជាតិអន្តរជាតិ និងបណ្តាអ្នកសារព័ត៌មាន ដើម្បីធ្វើការបក ស្រាយពន្យល់កុំឲ្យមានការភ័ន្តច្រឡំ ចំពោះព័ត៌មានទាំងឡាយដែលមានការប៉ះពាល់ដល់ ការរំលោភ សិទ្ធមនុស្ស សិទ្ធបញ្ចេញមត្តិ ប្រជាធិបតេយ្យ នៅក្នុងប្រទេសកម្ពុជា។
នៅក្នុកិច្ចពិភាក្សាការងារនេះដែរ ក៏បានលើក ការដាក់ឱ្យប្រើប្រាស់សៀវភៅ របស់អង្គការ UNESCO ដែលមានចំណងជើងថា “សារព័ត៌មាន ការផ្សាយ ពាណិជ្ជកម្មក្លែងក្លាយនិងព័ត៌មានមិនពិត” ដែលគ្រោងធ្វើក្នុងខែកញ្ញាឆ្នាំ២០១៩ ៕
អត្ថបទ និង រូបភាព ៖ ក្រសួងព័ត៌មាន
