ភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៩ ខែកក្កដា ឆ្នាំ២០១៩នេះថា យ៉ាងហោចណាស់មានមនុស្សម្នាក់ ត្រូវបានសម្លាប់ និង១៣នាក់ផ្សេងទៀតរងរបួសនៅក្នុងការផ្ទុះមួយ កើតឡើងនៅរដ្ឋធានីកាប៊ុល របស់ប្រទេសអាហ្វហ្គានីស្ថាន កាលពីថ្ងៃអាទិត្យ ។
បើយោងតាមលោក ណាស្រាត រ៉ាហ៊ីម៉ី (Nasrat Rahimi) អ្នកនាំពាក្យមកពីក្រសួងមហាផ្ទៃ ដែលបានឲ្យដឹងថា ហេតុការណ៍នេះបានកើតឡើងនៅវេលាម៉ោង ៤និង៤០នាទីល្ងាច ម៉ោងក្នុងស្រុក បន្តដោយការប្រយុទ្ធដោយកាំភ្លើង ។
លោក បានបន្តថា បន្ទាប់ពីមានការបំផ្ទុះនេះហើយ នៅក្នុងស្នាក់ការប៉ូលិសស្រុកទី១៥ ក្រុមសកម្មប្រយុទ្ធបានសម្រុកចូល ទៅក្នុងអគារមួយ ហើយបានចាប់ផ្តើមបាញ់រះ នៅជិតការិយាល័យរបស់លោក អាំរ៉ូឡា សាលី (Amrullah Saleh) ដែលជាមិត្តរួមជាតិប្រធានាធិបតេយ្យ បណ្តាលឱ្យមនុស្ស ៦នាក់រងរបួស ៕
ប្រភព៖ AKP
ប្រែសម្រួលដោយ៖ ម៉ៅ បុប្ផាករា
