កាលពីព្រឹកថ្ងៃទី០៩ ខែកញ្ញា ឆ្នាំ២០១៨ម្សិលមិញនេះ សាខាកាកបាទក្រហមកម្ពុជាខេត្តសៀមរាប ដឹកនាំដោយលោក អ៊ុង សិរីឌី លេខាធិការគណៈកម្មាធិការសាខា ព្រមទាំងមន្ត្រីប្រតិបត្តិសាខា អ្នកស្ម័គ្រចិត្ត និងយុវជនកាកបាទក្រហមកម្ពុជា បានទទួលមុងចំនួន៥០០ និងខោអាវចម្រុះចំនួន២០កាតុង ជាអំណោយកាកបាទក្រហមកម្ពុជាថ្នាក់ កណ្តាល ដឹកនាំដោយឯកឧត្តមវេជ្ជបណ្ឌិត អ៊ុយ សំអាត នាយកនាយកដ្ឋានគ្រប់គ្រងគ្រោះមហន្តរាយ កាកបាទក្រហមកម្ពុជា ដែលពីធីនេះ ប្រព្រឹត្តទៅនៅទីស្នាក់ការសាខាកាកបាទក្រហមកម្ពុជាខេត្តសៀមរាប ។
មានប្រសាសន៍ក្នុងឱកាសនេះ ឯកឧត្តមវេជ្ជបណ្ឌិត អ៊ុយ សំអាត បានពាំនាំនូវការសួរសុខទុក្ខ និងប្រសាសន៍ផ្តាំផ្ញើដ៏ខ្ពង់ខ្ពស់ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងសំណូមពរដល់សាខាសូមយកអំណោយនេះទៅផ្តល់ជូនដល់ជនរងគ្រោះ និងងាយរងគ្រោះឲ្យបានទាន់ពេលវេលា ៕
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក លីវ សាន្ត
