នៅព្រឹកថ្ងៃទី០១ ខែសីហា ឆ្នាំ២០១៩នេះ ក្រុមការងារចម្រុះបានចុះបង្ក្រាបបទល្មើសនេសាទនៅចំណុចរាំងឆ័ត្រ ឃុំកំពង់ឃ្លាំង ស្រុកសូទ្រនិគម។
ក្នុងការបង្ក្រាបនេះជំនាញ ពិនិត្យឃើញប្រជានេសាទបានលួចដាក់ឧបករណ៍បរប្រមាណ ៥០កន្លែង ហើយក្នុងនោះក្រុមការងារក៏បានដកហូតរបាំងសាច់រ៉ាវចំនួន ១២០០ម៉ែត្រ , ចំរឹងចំនួន ៤០០ដើម និងបានចាក់លែងកូនត្រី ចម្រុះប្រមាណ២០គីឡូក្រាមចូលទៅក្នុងទឹក ហើយជាមួយគ្នានេះ ក្រុមការងារបានធ្វើការកាប់បំផ្លាញឧបករណទាំងនោះចោលនៅនឹងកន្លែងផងដែរ។
ក្នុងឱកាសនោះដែរ អាជ្ញាធរសូមអំពាវនាវដល់បងប្អូនប្រជាពលរដ្ឋ ក៏ដូចជាប្រជានេសាទទាំងអស់សូមកុំនេសាទក្នុងរដូវបិទនេសាទ និងកុំនេសាទដោយប្រើប្រាស់ឧបករណ៍ខុសច្បាប់៕
ព័ត៌មានជាតិ ថ្មីៗ
អត្ថបទ និង រូបភាព៖ ថាច់ ពិសុទ្ធ
កែសម្រួល ៖ អ៊ុន ណារាជ្យ
