នៅព្រឹកថ្ងៃទី០២ ខែសីហា ឆ្នាំ២០១៩នេះ មន្ទីរមុខងារសាធារណៈខេត្តសៀមរាប សហការជាមួយ បេឡាជាតិរបបសន្តិសុខសង្គមសាខាខេត្តសៀមរាប ដោយមានការគាំទ្រពីរដ្ឋបាលខេត្ត បានបើកវគ្គសិក្ខាសាលាផ្សព្វផ្សាយច្បាប់ និងលិខិតបទដ្ឋានគតិយុត្តពាក់ព័ន្ធនឹងវិស័យយមុខងារសាធារណៈព្រមទាំង ការប្រើប្រាស់សេវាថែទាំសុខភាពពីបេឡាជាតិរបបសន្តិសុខសង្គមដល់មន្ត្រីរាជការស៊ីវិលតំណាងគណៈអភិបាលក្រុងប្រធានការិយាល័យ ចំណុះរចនាសម្ពន្ឋ័សាលាក្រុង ប្រធានការិយាល័យ ជំនាញជុំវិញក្រុង នាយក នាយិកាគ្រឹះស្ថានសិក្សាសាធារណៈប្រធានមណ្ឌលសុខភាពសង្កាត់និងក្រុមប្រឹក្សាក្រុង.សង្កាត់ នៅក្នុង រដ្ឋបាលក្រុងសៀមរាប។
លោក នួន សុខុម ប្រធានមន្ទីរមុខងារសាធារណៈខេត្តសៀមរាប បានមានប្រសាសន៍ថា ការបើកវគ្គសិក្ខាសាលាផ្សព្វផ្សាយច្បាប់និងលិខិតបទដ្ឋានគតិយុត្តពាក់ព័ន្ធនឹងវិស័យយមុខងារសាធារណៈព្រមទាំង ការប្រើប្រាស់សេវាថែទាំសុខភាពពីបេឡាជាតិរបបសន្តិសុខសង្គម ដល់មន្ត្រីរាជការនាពេលនេះគឺគោលបំណង ៖ពង្រឹងការគ្រប់គ្រងមន្ត្រីរាជការ ទាំងបរិមាណ វិន័យការងារ គុណភាពនៃការផ្តល់សេវារដ្ឋបាលសេវាសាធារណៈស្របតាមតម្រូវការមូលដ្ឋានក្នុងបរិបទកំណែទម្រង់ប្រពន្ឋ័បៀវត្សចេះតែកើ់នឡើងធានាដល់ការលើកកម្ពស់សេចក្តីថ្លៃថ្នូរកម្រិតជីវភាពប្រចាំថ្ងៃរបស់មន្ត្រីរាជការ កាន់តែល្អប្រសើរឡើងជាលំដាប់ ពីមួយឆ្នាំ ទៅមួយឆ្នាំ និង បញ្ជ្រៀបការយល់ដឹងកាន់តែច្បាស់អំពីអត្ថប្រយោជន៌នៃរបបសន្តិសុខសង្គមដល់មន្ត្រីរាជការក្រុមប្រឹក្សាក្រុស្រុកនិងឃុំសង្កាត់ ដែលជាគោលនយោបាយរបស់រាជរដ្ឋាភិបាលក្នុងការគាំពារសុខភាពដល់មន្ត្រីរាជការ ក្រុមប្រឹក្សាគ្រប់ប្រភេទ។
លោក ប្រធានមន្ទីរមុខងារសាធារណៈក៍បានមានប្រសាសន៍ទៀតថា គោលការណ៍ក្រសួងមុខងារសាធារណៈថារាល់ការតែងតាំង និងការបញ្ចប់មុខតំណែងគ្រប់គ្រងរបស់មន្ត្រីរាជការស៊ីវិលនៃមន្ទីរ អង្គភាព និងការិយាល័យជំនាញនានានៃក្រសួងដែលបំពេញការងារនៅថ្នាក់ក្រោមជាតិត្រូវធ្វើឡើង ដោយផ្អែកលើគោលការណ៍៖- ប្រសិទ្ធភាពការងារ- ប្រសិទ្ធផល- ពិគ្រោះយោបល់- តម្លាភាព- គណនេយ្យភាព- សមធម៌- យុត្តិធម៌- អព្យាក្រឹតភាព ស្របតាមច្បាប់ស្តីពីសហលក្ខន្តិកៈមន្ត្រីរាជការស៊ីវិលនៃព្រះរាជាណាចក្រកម្ពុជានិងលិខិតបទដ្ឋានគតិយុត្តពាក៍ព័ន្ធជាធរមាន។
ព័ត៌មានជាតិ ថ្មីៗ
មានប្រសាសន៍នាឱកាសនោះដែរ លោក សេង ធារ៉ា អនុប្រធានបេឡាជាតិរបបសន្តិសុខសង្គមសាខាខេត្ត សៀមរាប បានមានប្រសាសន៍ថា បច្ចុប្បន្ននេះវិស័យដែលរាជរដ្ឋាភិបាលកម្ពុជាគាំទ្រនិងកំពុងយកចិត្តទុកដាក់យ៉ាងខ្លាំងបំផុតនោះគឺវិស័យ បេឡាជាតិគ្រប់គ្រងរបបសន្តិសុខសង្គម ។
លោក សេង ធារ៉ា បានបញ្ជាក់ថា ចំពោះការប្រើប្រាស់បេឡាជាតិគ្រប់គ្រងរបបសន្តិសុខសង្គម មានពីរប្រភេទ គឺ របបសន្តិសុខសង្គមផ្នែកហានិភ័យការងារគឺសំដៅធានារ៉ាប់រងចំពោះគ្រោះថ្នាក់ការងារគ្រោះថ្នាក់ពេល ធ្វើដំណើរ និងជំងឺវិជ្ជាជីវៈគ្រោះថ្នាក់ និង របបសន្តិសុខសង្គមផ្នែកថែទាំសុខភាព៖ គឺសំដៅដល់ការធានារ៉ាប់រងសុខភាពសង្គមដែលត្រូវផ្តល់ការគាំពារគ្រោះថ្នាក់ឬជំងឺឬបញ្ហាសុខភាពដែលមិនពាក់ពន្ធ័នឹងហានិភ័យការងារ៕
អត្ថបទ និង រូបភាព ៖ ទ្រា ពន្លឺ
កែសម្រួល៖ អ៊ុន ណារាជ្យ
