កាលពីថ្ងៃទី០១ ខែសីហា ឆ្នាំ២០១៩នេះ នៅសាលាស្រុក មានរៀបចំពិធីប្រកាសបើកអោយ ដំណើរការយន្តការច្រកចេញចូលតែមួយ រដ្ឋបាលស្រុកប្រាសាទបាគង ក្រោមអធិបតីភាព លោក ទៀប ប៊ុនឈួយ ប្រធានក្រុមប្រឹក្សាស្រុក និងខ្ញុំបាទ សូរ ប្លាតុង អភិបាលនៃគណ:អភិបាលស្រុកប្រាសាទបាគង ដោយមានចូលរួម ពី តំណាងមន្ទីរពាក់ព័ន្ធ សមាជិកក្រុមប្រឹក្សាស្រុក គណៈអភិបាលស្រុក កងកំលាំងប្រដាប់អាវុធទាំង៣ មន្ត្រីសាលាស្រុកនិងការិយាល័យអង្គភាពជុំវិញស្រុក មេឃុំ ស្មៀនឃុំ ប៉ុស្តិ៍នគរបាលឃុំ ទាំង៩ មេភូមិគ្រប់ភូមិ សហគមន៍ អង្គការក្រៅរដ្ឋាភិបាល អាជីវករ និងប្រជាពលរដ្ឋសរុបអ្នកចូលរួម២១៥នាក់ ស្រី១០១នាក់។
តាមការឲ្យដឹងពីលោក អភិបាលស្រុក បានឲ្យដឹងថា យន្តការច្រកចេញចូលតែមួយ ដែលបើកដាក់អោយ ដំណើរការនាពេលនេះ នឹងរួមចំណែកលើកកម្ពស់ អភិបាលកិច្ចល្អ ការកែទម្រង់រដ្ឋបាល ដោយពង្រីកវិសាលភាព សេវាកម្ម ដែលផ្តល់ដោយរដ្ឋបាលស្រុក កែលម្អការផ្តល់សេវាសាធារណះ កាត់បន្ថយអំពើពុករលួយ និងមានការជឿទុកចិត្តពីប្រជាពលរដ្ឋ លើប្រព័ន្ធរដ្ឋបាល ម្យ៉ាងវិញទៀតដើម្បីប្រកាសជូនបងប្អូនប្រជាពលរដ្ឋអោយមកទទួលសេវា ប្រើប្រាស់សេវានេះតាមស្ថានភាព និងតាមតម្រូវការដូច ដែលរដ្ឋបាលស្រុកបានទទួលប្រតិភូកម្ម មុខងារពីថ្នាក់ជាតិ ។
លោកអភិបាលស្រុក ក៏សូមឲ្យបងប្អូនប្រជាពលរដ្ឋ រស់នៅក្នុងស្រុកប្រាសាទបាគងទាំងអស់ សូមអញ្ជើញមកទំនាក់ទំនង ប្រើប្រាស់សេវា យន្តការច្រកចេញចូលតែមួយ របស់រដ្ឋបាលស្រុកប្រាសាទបាគង ដោយផ្ទាល់ ដើម្បីចំណេញពេលវេលា គ្មានអំពើរពុករលួយ និង តម្លាភាព ប្រកបដោយភាពជឿរទុកចិត្តបានផងដែរ ៕
អត្តបទនិងរូបភាព៖រដ្ឋបាលស្រុកប្រាសាទបាគង
កែសសម្រួល៖ អ៊ុន ណារាជ្យ
