តាមការចុះផ្សាយ របស់ទូរទស្សន៍សិង្ហបុរី Channel News Asia នៅថ្ងៃទី៧ ខែសីហា ឆ្នាំ២០១៩នេះ បានឲ្យដឹងថា ប្រទេសហ្វីលីពីន បានប្រកាសពីការរីករាលដាលនៃជំងឺគ្រុនឈាមកាលពីថ្ងៃអង្គារទី ៦ ខែសីហា បន្ទាប់ពីមនុស្សរាប់រយនាក់ បានស្លាប់ដោយសារជំងឺនេះ។
នាយកដ្ឋានសុខាភិបាល ហៅកាត់ DOH បានឲ្យដឹងថា ជំងឺគ្រុនឈាមមាន ចំនួន១៤៦.០៦២ករណី គិតចាប់តាំងពីថ្ងៃទី១ ខែមករា ដល់ថ្ងៃទី២០ ខែកក្កដា ក្នុងឆ្នាំនេះ គឺកើនឡើង៩៨ភាគរយ បើប្រៀបធៀបទៅ នឹងរយៈពេលដូចគ្នាកាលពីឆ្នាំមុន ។
លោក Francisco Duque រដ្ឋមន្ត្រីក្រសួងសុខាភិបាល បានប្រាប់ឲ្យដឹងនៅក្នុងសន្និសីទសារព័ត៌មានមួយថា មនុស្សសរុបចំនួន៦២២នាក់បានស្លាប់ដោយសារជំងឺគ្រុនឈាម ហើយប្រទសហ្វីលីពីន ក៏បានប្រកាន់ខ្ជាប់នូវការហាមឃាត់ របស់ខ្លួនលើវ៉ាក់សាំង ការពារជំងឺគ្រុនឈាម ដំបូងបង្អស់នៅលើពិភពលោកដែលត្រូវបានហាមឃាត់ បន្ទាប់ពីការស្លាប់របស់កុមាររាប់សិបនាក់ ដែលស្ថិតក្នុងចំណោម មនុស្សជាង៧០០.០០០នាក់ ដែលបានទទួលការចាក់វ៉ាក់សាំងនៅក្នុងឆ្នាំ២០១៦ និងឆ្នាំ ២០១៧ នៅក្នុងយុទ្ធនាការចាក់ថ្នាំបង្ការរបស់រដ្ឋាភិបាល ៕
ប្រភព៖ ដើមអំពិល
ប្រែសម្រួលដោយ៖ ម៉ៅ បុប្ផាមករា
