សត្វមាន់ចំនួន ១០.៥០០ ក្បាល ដែលឆ្លងវីរុសផ្តាសាយបក្សីប្រភេទ H5N6 ដើម្បីព្យាយាមការពារការផ្ទុះឡើងកាន់តែខ្លាំង ត្រូវបានមន្ត្រីជំនាញ់សម្លាប់ចោល ស្ថិតក្នុងខេត្ត Ba Ria-Vung Tau នៃប្រទេសវៀតណាម នេះបើតាមប្រសាសន៦ លោក ង្វៀន លួងត្រាយ ប្រធានមន្ទីរសុខភាពសត្វខេត្តភាគខាងត្បូង កាលពីថ្ងៃអង្គារកន្លងទៅនេះ។
យោងតាមសារព័ត៌មាន VN Express ចេញផ្សាយ កាលពីថ្ងៃទី៦ ខែសីហា ឆ្នាំ២០១៩ បានឱ្យដឹងថា ដោយផ្អែកតាមការលើកឡើងរបស់លោក ង្វៀនថា នៅក្នុងតំបន់ដែលកំពុងផ្ទុះនោះដែរ មន្ត្រីជមនាញ់ ក៏បានបាញ់ថ្នាំសម្លាប់មេរោគ និងម្សៅកំបោរនៅលើកសិដ្ឋានចិញ្ចឹមសត្វដែលរងផលប៉ះពាល់ ដើម្បីទប់ស្កាត់ការរីករាលដាលនៃវីរុសដែលអាចសម្លាប់មនុស្ស។
កួរឲ្យដឹងដែរថា វីរុស H5N6 ដែលបានរីករាលដាលនៅក្នុងប្រទេសជិតខាង គឺប្រទេសចិននោះ គឺត្រូវបានគេរកឃើញនៅកសិដ្ឋានមួយរបស់ឈ្មោះ Dao Thi Khanh នៅស្រុកស៊យម៉ុកកាលពី សប្តាហ៍មុន បន្ទាប់ពីហ្វូងមាន់ចំនួន ៩.០០០ ក្បាល ចិញ្ចឹមក្នុងរយៈពេលប្រហែល ៤ ខែបានងាប់ភ្លាមៗ។
ក្រោយមកទៀត សាច់មាន់ប្រមាណ ១.៥០០ក្បាលផ្សេងទៀត នៅក្នុងកសិដ្ឋានបសុបក្សីក្នុងតំបន់តែមួយ ក៏បានធ្វើតេស្តវិជ្ជមានចំពោះវីរុស H5N6 ដែរ ដោយសារបក្សីដែលឆ្លងមិនបានចាក់វ៉ាក់សាំងឱ្យបានពេញលេញ។
លោក ត្រាយ បន្ថែមថា ទោះយ៉ាងណាក៏ដោយ រហូតមកដល់ពេលនេះ មន្ត្រីជំនាញ់មិនទាន់មានការរាយការណ៍អំពីការឆ្លងមកដល់មនុស្សនៅក្នុងតំបន់ដែលមានការរីករាលដាលនៅឡើយទេ
ដោយបុគ្គលិកពេទ្យសត្វបានរៀបចំវ៉ាក់សាំងជាង ២៣០,០០០ ដូស សំរាប់កសិដ្ឋានបសុបក្សីនៅតាមតំបន់ជិតខាង និងរឹតបន្តឹងការទិញ និងលក់ ដឹកជញ្ជូនបសុបក្សី នៅតាមតំបន់ដែលមានការរីករាលដាល រីឯអាជ្ញាធរសុខាភិបាលក្នុងតំបន់ ត្រូវបានគេស្នើសុំឱ្យឃ្លាំមើលជំងឺផ្តាសាយមនុស្សយ៉ាងជិតស្និទ្ធ និងការពារវីរុស H5N6 មិនឱ្យរាលដាលដល់មនុស្សផងដែរ ៕
ប្រភព៖ដើមអំពិល
ប្រែសម្រួលៈ ណៃ តុលា
