នៅរសៀលថ្ងៃទី ០៨ ខែសីហា ឆ្នាំ២០១៩នេះ ឯកឧត្តមឃុត វុត្យារិទ្ធិ សមាជិគណៈកម្មាធិការសាខាកាកបាទក្រហមកម្ពុជា ខេត្តសៀមរាប តំណាងឯកឧត្តមទៀ សីហា ប្រធានគណៈកម្មាធិការសាខា និងសហការី បានអញ្ជើញជួបសំណេះសំណាល សួរសុខទុក និងនាំយកអំណោយមនុស្សធម៌ជូនដល់គ្រួសារលោក លេខ ឡង ដែលបានរងគ្រោះដោយខ្យល់កន្ត្រាក់ បណ្ដាលឱ្យរបើកដំបូល នៅក្នុងភូមិបុស្សធំ ឃុំរោងគោ ស្រុកក្រឡាញ់ ខេត្តសៀមរាប ។
មានប្រសាសន៍នាឱកាសនោះ ឯកឧត្តមឃុត វុត្យារិទ្ធិ បានពាំនាំនូវការផ្ដាំផ្ញើសួរសុខទុកពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាកាកបាទក្រហមកម្ពុជា ក៏ដូចជា ឯកឧត្តម ទៀ សីហា ប្រធានគណៈកម្មាធិការសាខា ព្រមទាំងសម្ដែងនូវការសោកស្តាយជាពន់ពេក ចំពោះបងប្អូនដែលបានរងគ្រោះនូវឧបទ្ទេវហេតុដោយខ្យល់កន្ត្រាក់ ដែលបណ្ដាលឱ្យខូចខាតផ្ទះសំបែង និង របើកដំបូលធ្ងន់ធ្ងរ។
ឯកឧត្តមបន្តថា ក្នុងនាមកាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន មិនទុកចោលបងប្អូនប្រជាពលរដ្ឋក្នុងមូលដ្ឋានឱ្យនៅកណ្ដោយកណ្ដែងឡើយ ដូចពាក្យស្លោកលើកឡើងថា “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា -មិនទុកនរណាម្នាក់ចោល” ។
ព័ត៌មានជាតិ ថ្មីៗ
ឯកឧត្តមឃុត វុត្យារិទ្ធិ ក៏បានធ្វើការផ្ដាំផ្ញើដល់បងប្អូនប្រជាពលរដ្ឋយើង ក្នុងរដូវនេះជារដូវភ្លៀងធ្លាក់សម្បូរដោយជំងឺផ្សេងៗពិសេសជំងឺគ្រុនឈាមដែលបង្កឡើងដោយមូសខ្លា ហេតុនេះសូមបងប្អូនប្រុងប្រយ័ត្នចំពោះសុខភាពខ្លួនឯង និងកូនចៅតូចៗ ដោយត្រូវសម្រាកក្នុងមុង និងស្លៀកពាក់ខោអាវវែងៗជាប្រចាំ។ បើសិនជាឃើញសភាពមិនស្រួល ឬមានជំងឺគ្រុនក្ដៅ ត្រូវប្រញាប់ទៅមន្ទីរពេទ្យ ឬមណ្ឌលសុខភាពដែលនៅជិតបងប្អូនជាបន្ទាន់។
សម្រាប់អំណោយមនុស្សធម៌ដែលបានផ្ដល់ជូនមាន៖ មុង១ ភួយ១ សារុង១ ក្រមា១ អាវយឺត២ មី១កេស ត្រីខ១យួរ អង្ករ២៥គីឡូក្រាម ស័ង្កសី១០សន្លឹក និងថវិកា១សែនរៀល ៕
អត្ថបទ និង រូបភាព ៖ គឿន វ៉េត
កែសម្រួល៖ អ៊ុន ណារាជ្យ
