តាមសេចក្តីរាយការណ៍ កងកម្លាំងការពារបដិវត្តន៍ ឥស្លាមរបស់ប្រទេសអ៊ីរ៉ង់ នាពេលថ្មីៗនេះ បានធ្វើការព្រមានថា អាចនឹងមានសង្គ្រាមផ្ទុះឡើង ប្រសិនបើអ៊ីស្រាអែលចូលរួម ជាមួយកងកម្លាំងចម្រុះដែនសមុទ្រ នៅក្នុងតំបន់ឈូងសមុទ្រពែក។
ប្រទេសអ៊ីរ៉ង់ បានចាត់ទុកកងកម្លាំងចម្រុះការពារដែនសមុទ្រ គឺជាក្រុមខុសច្បាប់ និងបាននិយាយថា ថ្នាក់ដឹកនាំនៅក្នុងទីក្រុងវ៉ាស៊ីនតោននិងទីក្រុងឡុងដ៍ បានប្រឌិតហេតុការណ៍ ដើម្បីធ្វើឲ្យមានវត្តមានរបស់ខ្លួន នៅក្នុងតំបន់ឈូងសមុទ្រពែក មានភាពស្របច្បាប់ ពោលគឺអ៊ីរ៉ង់ត្រូវបាន អន្តរជាតិចោទប្រកាន់ ពីបទធ្វើការវាយប្រហារ ទៅលើនាវាដឹកប្រេង៤គ្រឿង នៅក្នុងខែឧសភា និងចំនួនពីរគ្រឿងទៀត នៅក្នុងខែមិថុនា។
គួរបញ្ជាក់ថា តាមសេចក្តីរាយការណ៍មួយ ពីទីភ្នាក់ងារសារព័ត៌មាន UPI បានឲ្យដឹងថា កាលពីសប្ដាហ៍មុននេះ រដ្ឋមន្ត្រីការបរទេសអ៊ីស្រាអែល លោក Israel Katz បានមានប្រសាសន៍ថា អ៊ីស្រាអែលនឹងជួយដល់កិច្ចប្រឹងប្រែងដឹកនាំដោយសហរដ្ឋអាមេរិក ដើម្បីការពារសន្តិសុខឈូងសមុទ្រពែក៕
ប្រភព៖ដើមអំពិល
ប្រែសម្រួល៖ ប៉ាង កុង
