ដោយឡែកនៅព្រឹកថ្ងៃទី ១៤ ខែ សីហា ឆ្នាំ ២០១៩នេះដែរ ឯកឧត្តម រដ្ឋមន្ត្រី ខៀវ កាញារីទ្ធ បាន ទទួលជួប លោក មឿន ញ្ញាណ អ្នកជំនាញថតរូប ឯកសារសត្វ នៅក្នុងប្រទេសកម្ពុជា រយៈពេល ៣០ឆ្នាំមកហើយ ក្នុងឱកាសដែល លោក នាំយកនូវ រូបសត្វស្លាប ដ៏កម្រ នៅក្នុងប្រទេសកម្ពុជា ដែលលោកថតបាន យកមកជូនដល់ ឯកឧត្តម រដ្ឋមន្ត្រី ដាក់តាំងទុកអោយក្មេងៗជំនាន់ក្រោយបានឃើញផងដែរ។
លោក មឿន ញ្ញាណ បានជម្រាបជូនថា រូបថត សត្វមួយចំនួននេះ លោក ថតបាន ជាប្រភេទសត្វបក្សី ដ៏កម្ររ ហើយមានតែនៅក្នុងប្រទេសកម្ពុជា តែ ប៉ុណ្ណោះ ដែលបណ្តាប្រទេសដ៏ទៃក្នុងពិភពលោក គ្មាននោះទេ ក្នុងនោះមាន សត្វ ត្រយ៉ងយក្ស និងសត្វ ខ្សឹប មានច្រើន តែសម្រាប់ ព័ណ៏ ស មានតែនៅ កម្ពុជា ។ សត្វ ខ្សឹប នេះ ខ្មែរយើងគេហៅ សត្វក្ងោកទេព្យ ហើយសត្វនេះ វាមាន ឈ្មោះរហូតដល់ទៅ ប្រហែល ១២ គេហៅតាមតំបន់ផ្សេងៗគ្នា ហើយភាគច្រើន រស់នៅជុំវិញមាត់បឹង ទន្លេសាប ។ក្រៅពីរូបថត ជាផ្លាំងសន្លឹកធំៗទាំង៣ ប្រភេទ នេះ លោក មឿន ញាណ ក៏បានជូនជាសៀវភៅ កម្រងរូបភាព ជាប្រភេទសត្វ រាប់រយ ប្រភេទ នៅក្នុងប្រទេសកម្ពុជា ដែលលោកថតបាន ជាពិសេសមានរូប សត្វបក្សី កម្ររ ជាច្រើនប្រភេទ ដែលជិតដាច់ពូជទៅហើយ ក៏មាននៅក្នុងសៀវ ភៅនេះដែរ។ តាមរយៈស្នារដៃ និងការខិតខំប្រឹងប្រែង ទៅថតរូបសត្វ ទាំងអស់ ដែល មាននៅក្នុងប្រទេសកម្ពុជា នេះ លោក មឿន ញាណ បានគោលបំណង ចង់ប្រជា ជន កម្ពុជា យើងឃើញប្រភេទសត្វជាច្រើនប្រភេទ កំពុងមានជីវិត រស់ នៅ លើ ទឹកដី របស់យើងទាំងអស់គ្នា ដូច្នេះក៏ត្រូវរួមគ្នា ស្រលាញ់ និងថែរក្សា សត្វទាំងអស់នោះ អោយបាននៅគង់វង្ស ព្រោះសត្វទាំងនោះ ក៏ជា បេតិកភណ្ឌ ធម្មជាតិ សម្រាប់យើងទាំងអស់គ្នាផងដែរ។
ឯកឧត្តម រដ្ឋមន្ត្រី ខៀវ កាញារីទ្ធ បានសំដែងនូវការកោតសរសើរ ចំពោះកិច្ច ខិតខំប្រឹងប្រែង របស់លោក មឿន ញាណ ដែលបានស្វែងរក និងថតរូប បាននូវ ប្រភេទសត្វជាច្រើន មាននៅកម្ពុជា ជាពិសេស ប្រភេទសត្វ ដ៏កម្ររ យកមក ចងក្រង ជាសៀវភៅ បោអពុម្ភ ទុកអោយ អ្នកជំនាន់ក្រោយបានឃើញ និងស្វែង យល់ពី ប្រវត្តិ នៃសត្វទាំងនោះថែមទៀតផង៕
អត្តបទនិងរូបភាព៖ក្រសួងព័ត៌មាន
