ដើម្បីពង្រឹងគុណភាពការងារផ្សព្វផ្សាយភាសាបារាំងអោយល្អ និងដំណើរ ការបានយូរអង្វែងទៅមុខបន្តទៀតនោះ នៅព្រឹកថ្ងៃទី ១៤ ខែ សីហា ឆ្នាំ ២០១៩ ឯកឧត្តម ខៀវ កាញារីទ្ធ រដ្ឋមន្ត្រី ក្រសួង ព័ត៌មាន បានជួបប្រជុំជាមួយក្រុមការងារ ភាសាបារាំង នៃអគ្គនាយកដ្ឋាន ទូរទស្សន៏ជាតិកម្ពុជា។
ឯកឧត្តម ឃឹម វុទ្ធី អគ្គនាយកទូរទស្សន៏ជាតិកម្ពុជា បានសំដែងនូវការអរគុណ យ៉ាងជ្រាលជ្រៅចំពោះ ឯកឧត្តម រដ្ឋមន្ត្រី ខៀវ កាញារីទ្ធ ដែលបានជួយឧបត្តម្ភ គាំទ្រ ទាំងសំភារះ ស្មារតី និងថវិកា ដល់ក្រុមការងារ ផលិតកម្មវិធីជា ភាសាបារាំង នៃ អគ្គនាយកដ្ឋានទូរទស្សន៏ជាតិកម្ពុជា អោយបានដំណើរការឡើងវិញ នឹងកាន់តែ សកម្មជាងមុន បន្ថែមទៀត។
តាមការបញ្ជាក់របស់ក្រុមការងារដែលបំពេញ ក្នុងផ្នែកនេះ បានជម្រាប ពីដំណើរការងារ ផលិតកម្មវិធី បទយកការណ៏ជា ភាសាបារាំង ការបកប្រែ ព័ត៌មាន ជាតិ និងអន្តរជាតិ មកជាភាសាបារាំង ផ្សាយនៅទូរទស្សន៏ជាតិ កម្ពុជា ទទក រយៈពេល ៣០ នាទី រៀងរាល់ថ្ងៃ សៅរ៏ និងអាទិត្យ ។ កម្មវិធី ផ្សាយជា ភាសាបារាំង របស់ ទទក បានដំណើរការមកតាំពីឆ្នាំ ១៩៩៥ ដោយកាលនោះ មានកិច្ចសហការ ពីបារាំង តែក្រោយមកជាបន្តបន្ទាប់ ទូរទស្សន៏ជាតិកម្ពុជា នៅបន្តធ្វើកម្មវិធីនេះ ដោយខ្លួនឯង ទោះជួបនូវការលំបាក ខ្វះខាត សំភារះ ថវិកា និង ធនធានមនុស្ស ក៏ដោយ ប៉ុន្តែ នៅដំណើរផ្សាយដ៏ដែល ។
ដោយមើលឃើញពីសារះសំខាន់ នៃកម្មវិធីផ្សាយជាភាសា បារាំង នៅ ទូរទស្សន៏ជាតិកម្ពុជា នេះ ឯកឧត្តម រដ្ឋមន្ត្រី បានជួបប្រជុំផ្ទាល់ជាមួយថ្នាក់ដឹកនាំ និង មន្ត្រី ដែលបំពញក្នុងកិច្ចការងារនេះ កាលពីពេលថ្មីៗកន្លងទៅនេះ ដើម្បីពិនិត្យ នូវការលំបាក ចំណុចខ្វះខាត ហើយជួយបំពេញបន្ថែម ក្នុងការធ្វើយ៉ាង អោយ កម្មវិធីជាភាសា បារាំង បានដំណើរការទៅមុខទៀត ដោយក្នុងនោះ ឯកឧត្តម រដ្ឋមន្ត្រី នឹងផ្តល់ជា សំភារះ បរិក្ខា បច្ចេកទេសផ្សេងៗ សម្រាប់បំពេញកិច្ចការបានល្អ និង ឆាប់រហ័សជាងមុន ។ តាមរយៈការជួយ ជ្រោមជ្រែង ដល់កម្មវិធីនេះ ឯកឧត្តម ខៀវ កាញារីទ្ធ បានស្នើ ដល់មន្ត្រី ដែលបំពេញការងារ ត្រូវធ្វើយ៉ាងណាក្នុង ១ សប្តាហ៍ ផលិតជា បទយកការណ៏ ជាភាសាបារាំង អោយបានមួយ ហើយការ បកប្រែព័ត៌មាន មកផ្សាយត្រូវជ្រើសរើស យកតែ ព័ត៌មាន ណា និយាយពី ដំណើរការនៃការ អភិវឌ្ឍន៏ ប្រទេស កិច្ចការ ល្អៗក្នុងសង្គម វិស័យទេសចរណ៏ សង្គមកិច្ច ជាដើម ហើយសម្រាប់ព័ត៌មាន អន្តរជាតិ យកតែព្រឹត្តការណ៏ណាថ្មីៗ ទាន់ហេតុការណ៏ ដើម្បី ជៀសព័ត៌មាន ដែលកើតមានយូរហើយ យកមកផ្សាយ នោះទេ ព្រោះ កម្មវិធី ជាភាសា បារាំងនេះ ផ្សាយនៅចុងសប្តាហ៍តែប៉ុណ្ណោះ ។
ឯកឧត្តម រដ្ឋមន្ត្រី ខៀវ កាញារីទ្ធ ចង់អោយក្រុមការងារភាសាបារាំងនេះ ផលិត កម្មវិធី បទយកការណ៏ រយៈពេលវែងជាងមុន ពី ២៥ ទៅ ៣០ នាទី ព្រោះ សម្រាប់តែចាក់ផ្សាយថ្ងៃអាទិត្យ តែប៉ុណ្ណោះទេ។ ដូច្នេះ ឯកឧត្តម សង្ឍឹមថា ក្រុមការ ងារ ភាសាបារាំង ដែលមាន ៣ ក្រុម អាចចែកវេណគ្នាផលិតបាន រៀងរាល់ សប្តាហ៍។
នៅក្នុងឱកាសនោះដែរ ឯកឧត្តម ខៀវ កាញារីទ្ធ បានផ្តល់នូវថវិកាសម្រាប់ ទិញ សំភារះ បរិក្ខាបច្ចេកទេស បន្ថែមដល់ក្រុមការងារភាសាបារាំង ទៀតផង ។
អត្តបទនិងរូបភាព៖ក្រសួងព័ត៌មាន
