នាព្រឹកថ្ងៃទី១៦ ខែសីហា ឆ្នាំ២០១៩ សាខាកាកបាទក្រហមកម្ពុជាខេត្តសៀមរាប សហការជាមួយការិយាល័យសុវត្ថិភាពចរាចរណ៍ផ្លូវគោក បានដឹកនាំកម្លាំងយុវជនកាកបាទក្រហមកម្ពុជា និងយុវកាយរឹទ្ធិជាតិកម្ពុជា ចំនួន៥៥នាក់ មកពីវិទ្យាល័យអង្គរ និង វិទ្យាល័យ ហ៊ុន សែន ស្វាយធំ ធ្វើកម្មភាពសម្រួលចរាចរណ៍តាមភ្លើងសញ្ញាចរាចរណ៍ចំនួន ២ កន្លែងក្នុងក្រុងសៀមរាប គឺនៅចំណុចភ្លើងសញ្ញាចរាចរណ៍ផ្លូវជាតិលេខ៦ កែងនឹងផ្លូវ៦០ម៉ែត្រ និងចំណុច ភ្លើងសញ្ញាចរណ៍ផ្លូវជាតិលេខ៦ កែងនឹងផ្លូវលោកតាណឺយ ព្រមទាំងមានការចែកខិតប័ណ្ណ និងអប់រំដោយផ្ទាល់មាត់ ចំពោះ បងប្អូនដែលមិនពាក់ពួកសុវត្ថិភាព ឬពាក់មួកសុវត្ថិភាពមិនបានត្រឹមត្រូវ ។
សកម្មភាពនេះ ធ្វើឡើងក្នុងគោលបំណងកាត់បន្ថយអត្រាស្លាប់ របួស និងពិការ ដោយសារគ្រោះថ្នាក់ចរាចរណ៍ ពិសេសដើម្បីក្រើន រំឮក ដល់ប្អូនៗសិស្សានុសិស្ស ដែលត្រូវប្រឡងសញ្ញាបត្រមធ្យមសិក្សាទុតិយភូមិនាពេលខាងមុខនេះ និងបងប្អូនប្រជាពលដែលធ្វើដំណើរលើដងផ្លូវ សូមមានការប្រុងប្រយ័ត្នខ្ពស់ ត្រូវចេះយោគយល់អធ្យាស្រ័យគ្នា និងរួមគ្នាអនុវត្តឱ្យបាននូវពាក្យស្លោក “ថ្ងៃនេះ និងថ្ងៃស្អែក គ្មានគ្រោះថ្នាក់ចរារណ៍” ៕
ព័ត៌មានជាតិ ថ្មីៗ
អត្ថបទ និង រូបថត ៖ លោក អ៊ិន សីហរិទ្ធ និង លោក គឿន វេត
កែសម្រួលអត្ថបទ ៖ លោក លីវ សាន្ត
