ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២០ ខែសីហា ឆ្នាំ២០១៩នេះថា ស្ថានទូតចិន ប្រចាំក្នុងប្រទេសឡាវ បានបញ្ជាក់ឲ្យដឹងនៅថ្ងៃអង្គារនេះថា ជនជាតិចិន ចំនួន១៣នាក់បានស្លាប់ និង៣១នាក់ផ្សេងទៀត បានរងរបួស នៅក្នុងពេលជួបឧប្បត្តិហេតុ គ្រោះថ្នាក់រថយន្តក្រុង នៅភាគខាងជើង នៃប្រទេសឡាវ ។
គ្រោះថ្នាក់បានកើតឡើង កាលពីល្ងាចថ្ងៃចន្ទ នៅគ្រាដែលរថយន្តទេសចរណ៍ ១គ្រឿង បានដឹកអ្នកទេសចរណ៍ចិន ចំនួន៤៣នាក់ ម្នាក់ជាជំនួយការជនជាតិចិន និង២នាក់ទៀត ជាជនជាតិឡាវ ក្នុងនោះមានអ្នកបើកបរម្នាក់ និងអ្នកមគ្គុទ្ទេសន៍ម្នាក់ផងដែរ ដោយរថយន្តបានរអិលធ្លាក់ផ្លូវ រវាងរដ្ឋធានីវៀងច័ន្ទ និងក្រុង Luang Prabang ដែលស្ថិតនៅចម្ងាយ ១៨០គីឡូម៉ែត្រ នៅភាគខាងជើងនៃប្រទេសឡាវ ។
ស្ថានទូតបានឲ្យដឹង នៅក្នុងសេចក្តីថ្លែងការណ៍មួយថា អ្នកទាំងអស់គ្នាជាជនជាតិចិន ដែលរងរបួស ត្រូវបានបញ្ជូនទៅកាន់មន្ទីរពេទ្យ និង២នាក់ក្នុងចំណោម ពួកគេបានរងរបួសធ្ងន់ធ្ងរ បំផុត៕
ប្រភព ៖ដើមអំពិល
ដោយ៖ ម៉ៅ បុប្ផាមករា
