ប្រភពពីយោធា បានឲ្យដឹងថា យន្តហោះចម្បាំងបំបាំងកាយ ប្រភេទ F-35A ចំនួន ៤ គ្រឿងទៀត គ្រោងនឹងមកដល់ ប្រទេសកូរ៉េខាងត្បូង នៅចុងសប្តាហ៍នេះ ដែលនឹងនាំឱ្យចំនួន អ្នកប្រយុទ្ធបំបាំងកាយ សរុបនៅក្នុងកងទ័ពអាកាស របស់ប្រទេសនេះ កើនដល់ ៨ គ្រឿង។
យន្ដហោះចម្បាំង គេចពីរ៉ាដាជំនាន់ទី៥ ផលិតដោយក្រុមហ៊ុន ការពារជាតិអាមេរិក Lockheed Martin គ្រោងនឹងទៅដល់ ទីលានហោះហើរទី១៧ នៅឆេងជូ ចម្ងាយ ១៤០ គីឡូម៉ែត្រខាងត្បូងទីក្រុងសេអ៊ូល នៅព្រឹកថ្ងៃព្រហស្បតិ៍នេះ។
រហូតមកដល់ពេលនេះ យន្តហោះ F-35A ចំនួន ៤ គ្រឿង បានមកដល់ទីនោះហើយ- ពីរគ្រឿងនៅខែមីនា និងនៅសល់ នៅខែកក្កដា ក្រោមផែនការរបស់សេអ៊ូល ពង្រាយយន្តហោះបំបាំងកាយ សរុបចំនួន ៤០ គ្រឿងរហូតដល់ឆ្នាំ២០២១៕
ប្រភព ៖ ដើមអំពិល
ដោយ៖ ឈូក បូរ៉ា
