រថយន្តដឹកឈើខុសច្បាប់០១គ្រឿងម៉ាក SSamyong Istana ពណ៌ទឹកប្រាក់ ពាក់ស្លាកលេខ ភ្នំពេញ 2Z : 2061 ដែលបានឈើផ្ចឹកចំនួន ៤៦ដុំ ស្មើនឹង០,៩២ម៉ែត្រគូប។
រួមជាមួយមនុស្សម្នាក់ ដែលជាអ្នកបើកបររថយន្ត ឈ្មោះមឿ ចន្ថា ភេទប្រុស អាយុ២៤ឆ្នាំ បច្ចុប្បន្នរស់នៅភូមិថ្នល់បំបែក ឃុំថ្មី ស្រុកគូលែន ខេត្តព្រះវិហារ ត្រូវកម្លាំងនគរបាលនៃអធិការដ្ឋាននគរបាលស្រុកសូទ្រនិគម ដឹកនាំដោយលោកវរសេនីយ៍ឯក ណុប សារៈ អធិការនគរបាលស្រុក សហការជាមួយកម្លាំងការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត ឃាត់បាននៅចំណុចភូមិដំដែកលើ ឃុំដំដែក ស្រុកសូទ្រនិគម ខេត្តសៀមរាប កាលពីវេលាម៉ោង០៨និង២៩នាទីព្រឹក ថ្ងៃទី២១ ខែកញ្ញា ឆ្នាំ២០១៨នេះ ដែលបានដឹកចេញពីខេត្តព្រះវិហារមកកាន់ក្នុងខេត្តសៀមរាប ។
បច្ចុប្បន្នចំពោះវត្ថុតាងនិងមធ្យោបាយដឹកជញ្ជូនរួមទាំងអ្នកបើកបររថយន្ត ត្រូវបានកម្លាំងសមត្ថកិច្ចនគរបាលប្រគល់ទៅឲ្យមន្ត្រីនៃសង្កាត់រដ្ឋបាលព្រៃឈើស្រុកសូទ្រនិគម ដើម្បីអនុវត្តទៅតាមនិតិវិធីដោយអនុលោមទៅតាមច្បាប់ ស្តីពីព្រៃឈើ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
