លោក យក់ ចំរើនឬទ្ធិ អគ្គនាយកក្រុមហ៊ុនធានារ៉ាប់រង ហ្វតតេ មានប្រសាសន៍ថា សម្រាប់កម្មវិធីជិះកង់នេះ គឺជាសារសកម្មភាពដើម្បីអប់រំ ដោយផ្តោតទៅលើការថែទាំសុខភាពតាមរយៈនៃការធ្វើលំហាត់ប្រាណជិះកង់ បង្ហាញសារអប់រំសំដៅទៅលើការថែរក្សាបរិស្ថានបរិយាកាស ដែលគ្នានសំណល់ផ្សែងយានយន្ត ការរួមគ្នាស្តារឡើងវិញគម្របបៃតងកាត់បន្ថយការកើនឡើងនៃកម្តៅ ព្រះអាទិត្យ តាមរយៈនៃការដាំកូនឈើ និងស្វែងយល់អំពីវប្បធម៌ជំនឿសាសនា ដែលអប់រំមនុស្សឲ្យប្រព្រឹត្តិតែអំពើរល្អ ប្រកាន់យកនិងរក្សាវប្បធម៌សន្តិភាព ។
លោក យក់ ចំរើនឬទ្ធិ បានបញ្ជាក់ទៀតថា ជាមួយដំណើរកំសាន្តសម្រាប់និយោជិតរបស់ខ្លួនប្រមាណជា២០០នាក់ ដែលត្រូវបានជ្រើសរើសយកក្រុងអង្គរ-សៀមរាប ជាគោលដៅនោះ ក្រុមហ៊ុនបានរៀបចំឲ្យមានកម្មវិធីជិះកង់មិត្តភាព ចម្ងាយ ១១ គីឡូម៉ែត្រ ចេញពីក្រុងសៀមរាប ឆ្ពោះទៅវត្តបារាយណ៍ មហានទី រតនារាម ហៅវត្ត ស្វាយរមៀត ដែលស្ថិតនៅលើទួលនៃអាងបារាយណ៍ទឹកថ្លា ដើម្បីដាំកូនឈើ និង ប្រារព្ធពិធីសាសនាផងដែរ ហើយក្រុមហ៊ុនបានរៀបចំកម្មវិធីជិះកង់នេះ ប្រព្រឹត្តទៅជារៀងរាល់ឆ្នាំ ដែលបណ្តាឆ្នាំកន្លងមក ធ្វើនៅខេត្តកំពង់ចាម , ត្បូងឃ្មុំ , ព្រៃវែង , បាត់ដំបង , តាកែវ និង ខេត្តកណ្តាល ប៉ុន្តែឆ្នាំនេះ ប្រព្រឹត្តទៅនៅខេត្តសៀមរាប ៕
អត្ថបទ និង រូបថត ៖ លោក ងិន គឹមឡេង
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
ព័ត៌មានជាតិ ថ្មីៗ
