តាមការចុះផ្សាយរបស់ទីភ្នាក់ងារចិន ស៊ិនហួ ចេញផ្សាយកាលពីថ្ងៃចន្ទទី២៦ ខែសីហានេះបានឲ្យដឹងថា មន្ត្រីប៉ូលីស១៥នាក់ បានទទួលរងរបួស បន្ទាប់ពីពួកគេប៉ះទង្គិចគ្នា កាលពីថ្ងៃអាទិត្យជាមួយ នឹងក្រុមបាតុករនៅតំបន់ Tsuen Wan ភាគខាងលិចនៃទឹកដី New Hong Kong ។ ក្រុមអ្នកតវ៉ាបានប្រើប្រាស់ ដបសាំងទៅលើមន្ត្រីប៉ូលីស និងបានប្រើប្រាស់សកម្មភាព វាយប្រហារយ៉ាងសាហាវ ។
មន្ត្រីប៉ូលីសត្រូវបានបញ្ជូនទៅមន្ទីរពេទ្យ ដើម្បីពិនិត្យនិតព្យាបាល។ អជ្ញាធរក្នុងតំបន់រដ្ឋបាល ពិសេសហុងកុង ឬHKSARបាននិយាយនៅក្នុងសេចក្តីថ្លែងការណ៍មួយ កាលពីថ្ងៃចន្ទនេះថា ប៉ូលីសនឹងថ្កោលទោសយ៉ាងខ្លាំង ចំពោះក្រុមបាតុករ ដែលបានបង្កគ្រោះថ្នាក់ដល់មន្ត្រី ប៉ូលីសរបស់ខ្លួនដោយចេតនា។
អជ្ញាធរ HKSAR បាននិយាយថា ក្រុមបាតុករខ្លះបានដកទង់ជាតិ នៅទីលានកីឡាKwai Chungដែលជាកន្លែងជួបប្រជុំគ្នា ហើយបានជាន់ពីលើ ដើម្បីឌឺដងជាមួយនឹងអជ្ញាធរ និងសិទ្ធិអំណាច តាមរយៈច្បាប់រំលោភបំពានលើទង់ជាតិ និងបទបញ្ញត្តិជាតិផង៕
ប្រភព ៖ដើមអំពិល
ប្រែសម្រួល:ស៊ុនលី
