តាមការចុះផ្សាយរបស់ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៨ ខែសីហា ឆ្នាំ២០១៩នេះថា គ្រោះរញ្ជួយដីកម្រិត៦,៦រ៉ិចទ័រ បានអង្រួននៅចម្ងាយ១៣០គីឡូម៉ែត្រ ស្ថិតនៅភាគខាងត្បូងនៃកោះ Bristol ដែលកើតឡើងនៅកោះ South Sandwich នៅវេលាម៉ោង២៣និង៥៥នាទីយប់ ម៉ោងសកលកាលពីថ្ងៃអង្គារ ។
ទីភ្នាក់ងារស្ទង់ទិន្នន័យសហរដ្ឋអាមេរិក (USGS)បានឲ្យដឹងថា គ្រោះរញ្ជួយដីមានជម្រៅ២៤,៥គីឡូម៉ែត្រ ហើយតាមការវាយតម្លៃបឋមមានរង្វាស់៦០.២០៨៨ដឺក្រេនៃរយៈទទឹងប៉ែកខាងត្បូង និងរង្វាស់២៦.៥៣២៧ដឺក្រេនៃរយៈបណ្តោយប៉ែកខាងលិច ។
គួរបញ្ជាក់ថា កោះ South Sandwich គឺជាដែនដីមួយរបស់ចក្រភពអង់គ្លេស ស្ថិតនៅមហាសមុទ្រអាត្លង់ទិក ៕
ប្រភព ៖ដើមអំពិល
ប្រែសម្រួលដោយ៖ ម៉ៅ បុប្ផាមករា
