ក្រសួងការបរទេសសហរដ្ឋអាមេរិក បានឲ្យដឹងថាសហរដ្ឋអាមេរិក នឹងធ្វើអ្វីដែលខ្លួនអាចធ្វើបាន ដើម្បីជួយកូរ៉េខាងត្បូង និងជប៉ុនដោះស្រាយភាពខុសគ្នារបស់ពួកគេ លេីជម្លោះពាណិជ្ជកម្ម ក្រោយដកក្រុងសេអ៊ូល ចេញពីបញ្ជីស នេះបើយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់ នៅថ្ងៃទី២៨ ខែសីហា ឆ្នាំ២០១៩ ។
ប្រទេសជប៉ុន បានសម្រេចចិត្តនៅដើមខែនេះដើម្បី ដកប្រទេសកូរ៉េខាងត្បូងចេញពីដៃគូពាណិជ្ជកម្ម ដែលជឿទុកចិត្តរបស់ខ្លួន ហើយការសម្រេចនេះចូលជាធរមាននៅថ្ងៃពុធនេះ ដោយបន្ថែមភាពតានតឹង ខ្ពស់រួចទៅហើយនៅក្នុងពេល នៃការប៉ះទង្គិចរបស់ពួកគេ ដែលបណ្តាលមកពីភាពខុសគ្នាលើការចែករំលែកបញ្ហាប្រវត្តិសាស្ត្រ រវាងប្រទេសទាំងពីរ។
អ្នកនាំពាក្យក្រសួងបាន ប្រាប់ទីភ្នាក់ងារសារព័ត៌មាន យ៉ុនហាប់ថា“ សាធារណរដ្ឋកូរ៉េ និងជប៉ុន ត្រូវតែដោះស្រាយបញ្ហា រសើបទាំងនេះ” ។ សហរដ្ឋអាមេរិក ក្នុងនាមជាមិត្តជិតស្និទ្ធ និងជាសម្ព័ន្ធមិត្តរបស់ ប្រទេសទាំងពីរនឹងធ្វើអ្វីដែលអាច ធ្វើបានដើម្បីគាំទ្រដល់កិច្ចខិតខំប្រឹងប្រែង របស់ពួកគេក្នុងការដោះស្រាយ បញ្ហានេះ៕
ប្រភព ៖ដើមអំពិល
