នៅព្រឹកថ្ងៃទី២៩ ខែសីហា ឆ្នាំ២០១៩នេះ ឯកឧត្តម សេង ទៀង ជំនួយការសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា រួមដំណើរដោយ ឯកឧត្តម គុជ លីណា សមាជិកក្រុមប្រឹក្សាខេត្តសៀមរាប បានអញ្ជើញចុះសំណេះសំណាល និងនាំយកអំណោយសម្ដេចតេជោ ហ៊ុន សែន និងសម្តេចគិតិព្រឹទ្ធបណ្ឌិត ប៊ុនរ៉ានី ហ៊ុនសែន ទៅប្រគល់ជូនចៅភ្លោះ០៣នាក់ ស្រី១ ប្រុស២ ដែលទើបនឹងសំរាលនៅថ្ងៃទី១៤ ខែសីហា ឆ្នាំ២០១៩ ។
កូនភ្លោះទាំង៣នាក់នោះ មានឪពុក ឈ្មោះ អៀម មាន អាយុ៣២ឆ្នាំ និងម្តាយឈ្មោះ ស្ងួន ឆេង អាយុ៣៤ឆ្នាំ មានស្រុកកំណើតនៅភូមិ តាពាម ឃុំកំពង់ក្តី ស្រុកជីក្រែង ខេត្តសៀមរាប ។
ឯកឧត្តម សេង ទៀង បានមានប្រសាសន៍ថា បានបញ្ផាក់ថា សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន តែងតែយកចិត្តទុកដាក់ខ្ពស់ ដល់ចៅៗទាំងអស់ របស់សម្ដេច តាមរយៈការផ្ដល់សេវាប្រឹក្សាសុខភាពមុននិងក្រោយសម្រាល និងសេវាសម្រាលទារកដោយមិនគិតថ្លៃនៅទូទាំងប្រទេស នៅមណ្ឌលសុខភាព មន្ទីរពេទ្យបង្អែកស្រុក-ក្រុងនានារបស់រដ្ឋ។ ទន្ទឹមនេះ ការនាំយកអំណោយមកផ្តល់ជូនក្រុមគ្រួសារកូនភ្លោះទាំង៣នាពេលនេះ ពុំមានប្រកាន់ពូជសាសន៍ ឬនិន្នាការនយោបាយឡើយ និងទទួលបានអំណោយដូចៗគ្នាទាំងអស់។
សូមជម្រាបថា នេះជាគ្រួសារកូនភ្លោះ៣នាក់ ទី៣៤៨ ហើយ ដែលបានទទួលអំណោយ ពីសម្តេចតេជោ ហ៊ុន សែន និងសម្តេចគិតិព្រឹទ្ធបណ្ឌិត ប៊ុនរ៉ានី ហ៊ុនសែន ដែលអំណោយដែលប្រគល់ជូន កូនភ្លោះទាំង ៣រួមមានដូចជា៖ អង្ករ២០០គីឡូក្រាម ទឹកដោះគោ០១កេស ស្ករស០៥គីឡូក្រោម ក្រម៉ា០២ សារ៉ុង០២ និងថវិកា៥លានរៀល ៕
អត្ថបទ និង រូបភាព ៖ អ៊ិន សីហរិទ្ធ
កែសម្រួល៖ អ៊ុន ណារាជ្យ
